لدهوكێ سالڤه‌گه‌را كاره‌ساتا شنگالێ ب رێڤه‌دچت
میدیا دهوك
ئه‌ڤرو رێكه‌فتی 3_8_2017 ل باژێرێ دهوكێ و ل هولا كونفرانسان رێوره‌سمه‌كێ تایبه‌ت دهێته گیران ب هه‌لكه‌فتا سالڤه‌گه‌را كاره‌ساتا شنگالێ، كو دڤێ رێ و ره‌سمێ دا سه‌روكێ حوكمه‌تا هه‌رێمێ نێچیرڤان بارزانی و وه‌زیرێ شه‌هیدان و ئه‌نفالكریان و هه‌ژماره‌كا زور یا به‌رپرسێن حزبی و میری و كه‌سایه‌تیێن ده‌ڤه‌رێ ئاماده‌بوون
دڤێ رێوره‌سمێ دا هه‌رئێك ژ پارێزگه‌رێ دهوكێ فه‌رهاد ئه‌مین ئه‌تروشی و وه‌زیرێ شه‌هیدان و ئه‌نفالكریان و گوتار پێشكێشكرن ، و دگوتارێن خودا به‌حسی كاره‌ساتا شنگالێ هاته كرن كو ل رێكه‌فتی 3_8_2014 ژلایێ چه‌كدارێن داعش ڤه هاتبوو ئه‌نجام دان و ب هه‌می پێڤه‌ران تاوانه‌كا گه‌له‌ك مه‌زن بوو.
وه‌زیری شه‌هیدان وئه‌نفالكریان مه‌حمود حاجی سالح گوت : تاوانێن داعش ل شنگال ئه‌نجام دای دچنه چوارچوڤه‌یێ تاوانێن دژی مروڤایه‌تیێ ،و به‌رده‌وام مه كاركریه بو نیاسینا تاوانێن داعش وه‌كو جینوساید ، و ل كاره‌ساتا شنگالێ زێده‌تر ژ 6 هزار كه‌سان ژلایێ چه‌كدارێن داعش ڤه هاتبوونه ره‌ڤاندن .
تعليقات