نه‌ته‌وه‌یێن ئێكگرتی: قركرنا ئێزدیان ل ئیراقێ تا نها به‌رده‌وامه
WAAR-دهۆک:
لژنه‌یه‌كا سه‌ر ب نه‌ته‌وه‌یێن ئێكگرتی ڤه دیاركر: رێكخستنا داعشێ تا نها به‌رده‌وامه ل سه‌ر قركرنا كه‌مینه‌یێن ئێزدی ل ئیراقێ و جیهان ب رۆلێ خوه نه‌رابوویه.
ئاژانسا رویته‌رز به‌لاڤكر: لژنه‌یا دووڤچوونا راستییان ل سووریێ كو سه‌ر ب نه‌ته‌وه‌یێن ئێكگرتی ڤه‌یه، ئاشكه‌را كر، كۆمكۆژی ده‌رهه‌قێ ئێزدیان دا به‌ردوامه و هه‌رچه‌نده پرانیا ده‌وله‌تان سۆز ب رێگریگرتنا تاوان و سزادانا تاوانباران دایه، لی تا نها خه‌مساره د بجهئینانا ئه‌ركێ خوه دا ل هه‌مبه‌ری تاوانباران.
وێ لژنه‌یێ خویا ژی كر: ب هزاره‌ها زه‌لام و زارۆكێن ئێزدی تا نها د ده‌ست داعشێ دانه و ئه‌و رێكخستنه رۆژانه ل سه‌ر سزادانا نێزیكی سێ هزار ژن و كچان ل سووریێ به‌رده‌وامه، و داعشێ كۆمكوژی ل هه‌مبه‌ری كه‌مینه‌یێن ئێزدیه ل ئیراقێ كریه.
زێده‌تر ژی خویا كر: هه‌رچه‌نده سێ سال ب سه‌ر بووریه‌رێ را ده‌رزبابوون، لێ هێشتا جیهان خه‌مساره د بجهئینانا ئه‌ركێ خوه دا.
تعليقات