شه‌ریف سلێمان: داخستنا كه‌مپێن ئاواران خه‌ونە
ئێزديخان نيوز:
ئه‌ندامه‌كێ په‌رله‌مانێ عێراقێ دیاركر: حكومه‌تا عێراقێ یا رژده لسەر دائێخستنا كه‌مپێن ئاواران، ئه‌م دبینین کۆ دائێخستنا كه‌مپێن ئاواران خه‌ونه‌كە و دڤێت ئه‌ڤ خه‌ونە بجهـ بهێت و هه‌مى ئاواره بزڤرنه سه‌ر ماڵێن خۆ و دناڤ کەمپان دا نەمینن".
شه‌ریف سلێمان، ئه‌ندامێ په‌رله‌مانێ عێراقێ بۆ (باسنیوز) راگه‌هاند، پتریا خه‌لكێ شنگالێ دناڤ كه‌مپێن ئاواران مانە و مخابن هه‌تا نوكه ژى هێشتا ره‌وشا شنگالێ یا باش نینه، ئه‌ڤەیە کۆ بوویه ئه‌گه‌ر ئاواره نه‌شێن ڤه‌گه‌رنه شنگالێ، باشترین چاره‌سه‌رى بۆ ره‌وشا شنگالێ ئه‌وه کۆ رێكه‌فتنا شنگالێ بجهـ بهێت و ئیدارا شه‌رعی بزڤریته ده‌ڤه‌رێ و گرۆپێن نه‌شه‌رعى شنگالێ چوول بكه‌ن و خه‌لكێ شنگالێ پاراستنا ده‌ڤه‌رێ بكه‌ن و ئاڤه‌دانى ده‌ست پێ بكه‌ت و خه‌لكێ زیانڤێكه‌فتیێن شنگال بهێنه قه‌ره‌بوو كرن، هه‌تا ئه‌ڤ پێنگاڤە نه‌هێته هاڤێتن یا زه‌حمه‌ته خه‌لك بشێت ڤه‌گه‌ریته شنگالێ".
ئاشكرا كر، دائێخستنا كه‌مپێن ئاواران گیروبوویه، ئه‌ڤه 10 سالن خه‌لك یێ ئاواره‌یە و پێتڤییه ئاواره ڤه‌گه‌رن و هه‌ڤكاریا خه‌لكی بهێته كرن و عێراق ره‌وشا شنگال خۆش بكه‌ت و بریارا دائێخستنا كه‌مپێن ئاواران ئه‌ڤ ساله بكه‌ڤیته وارێ بجهئینانێ".
تعليقات