دهۆك.. سالڤه‌گه‌را جینۆسایدا كوردێن ئێزدی دهێتە ساخكرن
باسنيوز:
بەرپرسێ بنگەهی لالش یێ رەوشەنبیری و كۆمەلایەتی ل سنوونێ دیاركركو ئەڤرۆ 2/8/2017 بیروەریا كارەساتا دلتەزین قەزا شنگال دهێتە ساخكرن، دێ ل كۆمەلگەها شاریا ل گەلەك كەمپێن ئاوارێن كوردێن ئێزدی چەندین چالاكی هێنە ئەنجامدان.
سلێمان فانۆ، بەرپرسێ بنگەهی لالش یێ رەوشەنبیری و كۆمەلایەتی ل سنوونێ بۆ(باسنیوز) دیاركر:" ل كۆمەلگەها شاریا سەر ب پارێزگەها دهۆكێ ڤە دێ ئاوارێن شنگال ئەڤرۆكە بیروەریا كارەساتا شنگال ساخ كەن وتێدا دێ چالاكی هێنە ئەنجامدان دگەل فلمەكێ ب ناڤێ "كەزەب" ل سەر كارەساتا شنگال یێ هاتیە دروستكرن وتێدا ئەو زۆرداری ومالوێوارانیا بسەر خەلكێ مە هاتی دهێنە نمایشكرن".
داود موراد خەتاری ڤەكۆلەرێ دیرۆكا ئێزدیان بۆ (باسنیوز) دیاركر:" دووڤ دووماهیك ئامارا من كۆمكری هەر ژ رۆژا 3/8/2014 هەتا نۆكە 6936 كەس ل كارەساتا شنگال یێن بووینە قوربانی، ژوانا 1543 كەس یێن هاتینە كوشتن وهەتا نۆكە پتر 3070 كەسان یێن هاتینە رزگاركرن گه‌له‌ك كه‌س ژی چارەنڤیسێ وان دیار نینە".
تعليقات