ڤیان ده‌خیل: داعشێ 1300 زارۆیێن ئێزدی ب زۆری كرینه بسرمان
WAAR-دهۆک:
په‌رله‌مانتاره‌كا كوردا ئێزدی ئاشكرا كر، رێكخستنا تیرۆرستییا داعشێ ب زۆری هزار و سێ سه‌د زارۆیێن ئێزدی كرینه بسرمان و مه‌شق و راهێنان ل سه‌ر چه‌كی پێ كرینه.
ڤیان ده‌خیل په‌رله‌مانتارا كوردا ئێزدی ل په‌رله‌مانێ ئیراقێ د كۆربه‌نده‌كی دا ل واشنتۆنێ دیار كر، د ساتێن ده‌ستپێكا كونترۆلكرنا شنگالێ دا، داعشێ هزار و سێ سه‌د زارۆیێن ئێزدی نه‌چاركرن ئولا خوه بگهۆرن و كرینه بسرمان.
خویا ژی كر، ژ سه‌دێ هه‌شتێ و پێنج ژ گوندێن ئێزدییان ژ ئالیێ داعشێ ڤه هاتینه وێرانكرن و هه‌تا نوكه شه‌ش هزار ره‌ڤاندیێن ئێزدی ماینه د ده‌ستێن تیرۆرستان دا.
ڤیان ده‌خیل داخواز ژ جڤاكێ نێڤده‌وله‌تی كر كو سنۆره‌كی بۆ وان پێشێلكارییان بدانن و هه‌می كێمینه‌یان ل ئیراقێ بپارێزن نه ب تنێ ئێزدییان.
تعليقات