بابە چاویش: ژبەر كارەساتا شنگال رێورەسمێن جەژنا چلێ هاڤینێ نەهاتنە كرن
باسنيوز:
دیندارێ ئێزدیان ل پەرستگەها لالش دیاركركو كوردێن ئێزدی رێ ورەسمێن جەژنا چلێ هاڤینێ ناكەن ژبەر كارەساتا شنگال. ئەڤرۆ 2/8/2017 جەژنا چلێ هاڤینێ یە وهەر سال ل پەرستگەها لالش رێ ورەسمێن جەژنێ دهاتنە گێران.
بابە چاویش دیندارێ ئێزدیان ل پەرستگەها لالش، بۆ(باسنیوز)دیاركر:"جەژنا چلێ هاڤینێ پشتی گرتنا چل رۆژیێن چلێ هاڤینێ دهێت بتایبەتی ژی دەروێش و شكەستی و زانایێن ئۆلا ئێزدیان وهەر كەسەكی بڤێت دشیا چل رۆژان ب رۆژی بیت چونكو ئەڤ رۆژیێن ئێزدیان نە فەرزن بەلكو خێرن. ئەڤ سالە ژبەر كارەساتا شنگال و دەربەردەریا خەلكێ مە رێ و رەسمێن جەژنا چلێ هاڤێنی نابن".
خویا ژی كر:" كارەساتا شنگال زیانەكا زۆر مەزن گەهانده مللەتێ مە. هەر دەمێ خەلكێ مە هەموو ڤەگەریاینە سەر مالێن خوە دێ بیتە جەژن بۆ هەموو ئێزدیان".
تعليقات