ئێزديخان نيوز:
ب ئامادەبوونا بەرێز"شێخ شامۆ"سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ،بنگەهێ لالش یێ رەوشەنبیری و كۆمەلایەتی ل دهۆكێ ل بیرەوەرییا بۆرینا 20 سالان ل سەر خووندنا پرۆگرامێ ئێزدیاتیێ ل قوتابخانان ل هەرێما كوردستانێ،روونشتنەكا ڤەكری ل دۆر پرۆگرامێ خووندنا بابەتێ ئێزدیاتیێ ئەنجام دا.
ئیرۆ رۆژا شەمبوویێ 17ئەیلولا 2016ێ،ل هۆلا بنگەهێ لالش ل دهۆكێ و ب ئامادەبوونا بەرێز"شێخ شامۆ" و كۆمەكا بسپۆر و شارەزایێن بابەتێ ئێزدیاتیێ و چەندین سەرپەرشتێن پەروەردێ و رێڤەبەرێ پەروەردا دهۆکێ ب وەکالەت و رێڤەبەرێن پەروەردێن تلكێف و سێمێل و نونەرێ پەروەردا شێخان و كۆمەكا مامۆستایێن زانكۆیێ و مامۆستایێن بابەتێ ئێزدیاتیێ،روونشتنەكا ڤەكری ل دۆر پرۆگرامێ خووندنا بابەتێ ئێزدیاتیێ هاتە ئەنجام دان.
هەروەسا دئێتە چاڤەرێكرن پشتی ڤێ روونشتنا ڤەكری،كۆمەكا راسپاردا بێنە بلندكرن بۆ وەزارەتا پەروەردێ ل حكوومەتا هەرێما كوردستانێ،ژبۆ پتر خورتكرنا پێشڤەبرنا پرۆسێسا خوندنا بابەتێ ئێزدیاتیێ ل هەموو قۆناغێن خووندنێ ل قوتابخانێن هەرێمێ ل دەڤەرێن ئێزدیا.
