فرمانا٧٤ێ و خۆراگريا ئێزدياتيێ و مانا ئێزديخانێ خالەكا رەشه‌ د چاڤێن داعش دا /مەھدی حەسەن موراد

فرمانا٧٤ێ و خۆراگريا ئێزدياتيێ و مانا ئێزديخانێ خالەكا رەشه‌ د چاڤێن داعش دا

مەھدی حەسەن موراد

د رۆژەكا وەكى ئەڤرۆ دا ل (٢٠١٤/٨/٣)ێ تيرۆرستێن دەولەتا ئيسلامى ب پلانەکا دارێژتی بناڤێ داعش بەرێ خودانا شنگالا خۆراگر و ب رەنگەكى ھۆڤانە كوشتن و كوشتار دناڤا خەلكێ سڤیلێ شنگالێ دا ئەنجامدان ب ھاريكارى و پشتەڤانيا عەربێن بێ ئەسل و فەسل بەختێ برايەتى و كريڤانيا خوينێ و بيرو باوەرێن ھندە سالا پێكڤە د بن پيێن خۆ كرن و كەتن بن ڕاسپاردێن ئەڤغانیا بۆ تالان و ويرانكرنا مال و سامانێن ئێزديا دگەل چەكدارێن دەولەتا ئيسلامى و داعشێن پێخواس ژ بيابانا عەربى و جزيرێ و ئەڤغانستان ھاتين كج و ژنێن ئێزديا ديارى دانا دەستێ وان و ب ھەزارا كچ و ژنێن ئێزدیا ل سۆك و قەيسيريا فرۆتن وسڤكاتى ب ئولا ئێزدياتيێ كرن ، ئەڤ خەلکێ بێگونەھێ شنگالێ بلی ھەژاری و بەلنگازی تشتەکی دی ل ژیانێ نەبیە ئەڤا چەندین سالا ھیڤی و ئۆمێدێن وان تەنھا ژیانەکا نورمال بییە و چاڤێن وان ل مال و ملکێن کەسی نەبیە لێ قەدەرێ جارەکا دی ب دەشت و چیا کەتن پێخواس و برسی بێ نان و ئاڤ ل بەر ڤێ گەرما ھاڤینی یێ گیانێ خۆ راسپارد و وەغەر کر ئەو ژ ئێش و دەردا خلاس بۆ یێ ما ژی ساخ کەتن بن دەرد و ئێش و ژانا ،ب راستى رۆژەكا رەشا ل ژيانا مەدا و ھەر دێ پێ نالین ھەتا ئەم ساخێن ،مە گوھ لێ ببو ژ باب و باپيرێن خو بەس مە نە ديت بو و مە باور نە دكر مرۆڤێن وەسا خراب ھەنە وكەسانەك ھەيا بناڤێ اللە و اكبر سەرێ کەسانێن خۆدێ ناس جارەک دێ ب شیری ژێڤەکەت وئەڤ مللەتێ بەری ب ھەزارەھا سالا خودێ ناسکری ب کافر ب دەنە ناسین و خۆ ب کورێن بێغەمبەرا ب ناسن ، بلێ شوكر بو خودێ تەعالا ئەڤێ جارێ ھەر زوو دەولەتا وان ب سەرێ واندا ھاتە روخاندن و شكەستن و د چاڤێ ھەر كەسەكى دا شەرمەزار بوون ل جيھانێ ھەميێ و يا ھاتيا سەرێ عەربا و داعش دلخۆشيەكا مەزن بۆ بو مە ،ئەڤ دەولەتا ئيسلاميا داعش بڤى رەنگى شكەست و ريسوا و شەرمەزار بون ، ھەر بڤێ ھەلکەفتا پێنچ (٥ ) سالیا فەرمانا شنگالێ ژ خودێ تەعالا دخازم ھەمى جانگۆرين شەرێ داعش و تايبەت يێن شنگالێ ب رەحمينت وجھێ وان بەھشت بيت خودێ تەعالا شيفايەتێ بدەت ھەر بريندارەكى چاڤێ ھەر زاروكەكى بێ داى و باب ماچ دكەم دەستێ داى و بابێن دلشوتى ماچ دكەم خودێ دگەل ھەر خێزانەكا قوربانى داى دابيت ، ھيڤيدارم ژ خودێ تەعالا ھەر كچ و ژنةكا ل دەستێ كافرا رزگاربيت ژبەر کۆ ھەتا کچ و ژنێن ئێزدیا رزگار نەبن برینێن مە ئێزدیان سڤک نابن... وجھێ ڤان داعش وكافرا جەھنم بيت وجارك دى كەسەك ھزر نەكەت ئێزدى دێ ھينە ژناڤ برن روژا فەرمان و كۆمەلكوژيا مڕۆڤان و ژناڤ بڕنا مللەتا نەمايە، ئێزدياتى و ئێزدخان و ناڤێ تاوسى مەلەك ھەر دێ ھەبيت دەۆلەت سەرێ کەسانێن دلشۆزێن ئێزدیاتیێ ھیڤی و مرازێن مە ئەوا شنگالێ عەگید و مێرخاسا ڤەگەرێت وەکی دەم و بەدیلا .