نێچیرڤان بارزانی داخوازا ناساندنا كۆمكوژیا ئێزدان ژ نه‌ته‌وه‌یێن ئێكگرتی دكه‌ت
WAAR-دهۆك:
سه‌رۆكێ هه‌رێما كوردستانێ ئه‌ڤرۆ داخواز ژ نه‌ته‌وه‌یێن ئێكگرتی كر، كۆمكوژییا كوردێن ئێزدی ب جینۆساید بهێت ناساندن.
نێچیرڤان بارزانی سه‌رۆكێ هه‌رێما كوردستانێ ئه‌ڤرۆ ل ئه‌كاونتێ خوه یێ تویته‌ری په‌یامه‌ك به‌لاڤكر و تێدا داخواز ژ نه‌ته‌وه‌یێن ئێكگرتی كرییه، كۆمكوژییا كوردێن ئێزدی ب جینۆساید بهێت ناساندن.
نێچیرڤان بارزانی گۆتییه: د سالڤه‌گه‌را پێنجێ یا كۆمكوژییان كوردێن ئێزدی دا ل شنگالێ، ئه‌و ژ دل وان قوربانیێن ده‌ستێ داعشێ ل بیر دئینن و دوپات كر، ئه‌و بهێنا خوه ناده‌ن، تاكو تیرۆر دهێت ژناڤبرن و ره‌ڤاندی دهێن رزگار كرن.
سه‌رۆك نێچیرڤان بارزانی د تویتا خوه دا داخواز ژ نه‌ته‌وه‌یێن ئێكگرتی كرییه ژبۆ رێگریكرنێ ل كریارێن هه‌ڤشێوه، كۆمكوژییا ئێزدییان ب جینۆساید ب ناسینیت.
تعليقات