رێوره‌سما سالڤه‌گه‌را جینۆسایدا ئێزدیان ژبه‌ر روونشتنا په‌رله‌مانی سوبه دێ ئێته كرن
WAAR-دهۆك:
سالڤه‌گه‌را 5ێ یا جینۆسایدكرنا كوردێن ئێزدی سوبه دێ ل باژارێ دهۆكێ د رێوره‌سمه‌كا به‌رفره‌هـ دا هێت ل بیرئینان.
شێخ شامۆ، شیره‌تكارێ سه‌رۆكوه‌زیرێن هه‌رێما كوردستانێ بۆ وار راگه‌هاند؛ ل ژێر درووشمێ شنگال ژ جینۆسایدێ به‌ر ب ئاڤه‌دانی و ژیانێ، رێڤه‌به‌رییا گشتی یا كاروبارێن شه‌هید و ئه‌نفالكرییان ب هه‌ماهه‌نگی دگه‌ل رێڤه‌به‌رییا گشتی یا رۆشه‌نبیری و هونه‌ری و بنگه‌هێ لالش ب پشته‌ڤانییا كارگێرییا پارێزگه‌ها دهۆكێ، سوبه سپێدێ دێ رێوره‌سمه‌كا به‌رفره‌هـ بۆ سالڤه‌گه‌را 5ێ یا جینۆسایدكرنا كوردێن ئێزدی ل هۆلا كۆنفرانسان یا باژارێ دهۆكێ هێت رێكئێخستن.
دیار ژی كر، هه‌ژماره‌كا دیار یا سه‌ركرده و به‌رپرسێن حكومه‌تێ، نوونه‌رێن وه‌لاتان و پێكهاته‌یێن هه‌رێما كوردستانێ دێ پشكداری ئه‌ڤێ رێ و ره‌سمێ بن.
شێخ شامۆ گۆت: ئه‌ڤرۆ ل په‌رله‌مانێ كوردستانێ ژی پشتی بۆرینا 5 سالان رۆژا 3 یێ مه‌ها ته‌باخێ دێ وه‌ك رۆژا جینۆسایدكرنا ئێزدییان هێت ناساندن كو رۆژه‌كا دیرۆكی یه ژبۆ كوردێن ئێزدی.
تعليقات