ل 17 كەمپێن دهۆكێ پێنجەمين سالڤەگەرا جينۆسايدا ئێزديان دئێتە ساخكرن
باسنيوز:
بەرپرسێ راگەهاندنێ ل بۆردێ كاروبارێن مروڤایەتی ل پارێزگەها دهۆكێ دیار كر ئەڤرۆ 3/8/2019 ل ناڤ 17 كەمپێن ئاواران ل سنۆرێ پارێزگەها دهۆكێ ب چالاكیێن هەمە جۆر سالڤەگەرا جینوسایدا شنگال دهێتە ساخكرن.
سالم سەعید، بەرپرسێ راگەهاندنێ ل بۆردێ كاروبارێن مروڤایەتی ل پارێزگەها دهۆكێ بۆ (باسنیوز) دیار كر: "ب رێیا چالاكیێن هەمە جۆر ل ناڤ هەموو كەمپێن ئاواران بیرەوەریا پێنجەمێن سالڤەگەرا جینوسایدا شنگال دهێتە ساخكرن ودڤان چالاكیان دا ئاوارە دخوازن رەڤاندنێ بهێنە رزگاركرن وپتر پووتە ئاواران بهێتە دان چونكو ئەڤە پێنچ سالە خەلكێ مە بن خێڤەتاندا پێدڤی هەموو جۆرێن هەڤكاری و هاریكاری هەنە. دڤێ رۆژا نەخۆش دا ئەم ژی دەنگێ خۆ دگەل دەنگێ ئاواران بلند دكەین بۆ بجه ئینانا داخوازیێن وان وارێ مرۆڤایەتی دا".
خویا ژی كر: "هەر ژ رۆژا جینوسایدا شنگال روودای هەتا نۆكە پارێزگەها دهۆكێ ب هەموو سازیێن خوە ڤە دگەل حكومەتا هەرێما كوردستانێ پشتەڤانی و هەڤكاریا ئاواران دكەین وهەموو هەولدانان دكەین بۆ باشتركرنا ژیانا خەلكێ بن خێڤەتاندا".
تعليقات