ب فه‌رمى داخواز هاتيه كرن باشيك ب ده‌ڤه‌ره‌كا وێرانكرى بێته ناساندن
ئێزديخان نيوز:
نوونەرا خەلكێ باشێك و بەحزانێ ل جڤاتا پارێزگەها مووسلێ دیاركر ب پشتەڤانیا دەستەیا گشتی یا كاروبارێن مینان ل هەرێما كوردستانێ و تیمین رامالینا مینان یێن سەر ب هیزێن پێشمەرگەی كوردستانێ و تیمین رامالینا مین و تەقەمەنیان یێن وەلاتی ئەمریكا بریار هاتە دان ب درێژاهیا 24 كیلۆمەتران باشێك و بەحزانێ ژ مین و تەقەمەنیان بهێتە پاقژكرن.
گولستان حەسەن، نوونەرا خەلكێ باشێك و بەحزانێ ل جڤاتا پارێزگەها مووسلێ بۆ(باسنیوز) دیاركر ژ چیایی باشێك هەتا دگەهتە ناڤ سەنتەری ناحیێ دێ ژ مین و تەقەمەنیان و پەشمایێن ب مەترسی یێن رێكخراوا تیرۆرستی داعش دێ هێنە پاقژكرن، ئەم دخازن خەلكێ دەڤەری بهنا خوە فرەه بكەن و نها قەستا دیتنا مالێن خوە نەكەن هەتا ب تەمامی دەڤەر دهێتە پاقژكرن پشتەڤانیا هەرێما كوردستانێ ل وەختەكێ زۆر نیزیك دێ دەڤەر هێتە پاقژكرن وجارەكا دێ دووبارە دێ ژیان ڤەگەریتە باشێك و بەحزانی.
خۆیا ژی كر كو نها كار د پاقژكرنا دەڤەری دا یێ دهێتە كرن و ب فەرمێ داخواز هاتیە كرن باشێك ب دەڤەرەكا ویرانكری ژی بهێتە ناساندن چونكو داعشی هەموو تشتەك ل دەڤەرێ تێكدایە.
تعليقات