نێزیكی 400قوتابیێن ئێزدی ل پارێزگەها كەركووكێ داخوازا هاریكارییان دكەن
ئێزدیخان نیوز:
نێزیكی 400قوتابیێن ئێزدی یێن كولیژ و پەیمانگەهێن مووسلێ ل پارێزگەها كەركووكێ دەوامێ دكەن،هەتا نۆكە دەرمالە بۆ قوتابیان ژلایێ حكوومەتا ناڤەندی ڤە نەهاتینە دان نینن و چوو جهێن سیاسی و رێكخراوان هاریكاریێن مادی نەداینە قوتابیان.
قوتابیەكێ ئێزدی ل زانكۆیا كەركوكێ بۆ مالپەرێ(ئێزدیخان نیوز)گۆت:"نێزیكی 400قوتابیێن ئێزدی ل كولیژ و پەیمانگەهێن مووسلێ یێن كچ و كور ژ هەموو قۆناغان و ژ بلی یێن سالا خووندنێ پاشئێخستین ل پارێزگەها كەركوكێ دەوامێ دكەن،گەلەك ژێ دخوازن بۆ هەرێما كوردستانێ بێنە ڤەگوهاستن لێ كارێ وان ب رێڤەناچت،ژبەركو كرێكرنا مالان كەفیل ژێرا دڤێت و ئەڤ چەندە بۆ قوتابیان بوویە ئاستەنگ".
ڤی قوتابی گۆتژی دەرمالە بۆ قوتابیان ژلایێ حكوومەتا ناڤەندی ڤە نینن و هەتا نۆكە چوو جهێن سیاسی و رێكخراوان هاریكاریێن مادی نەداینە قوتابیان.
ئەو چەندە ژی ئاشكەراكر:"پتریا قوتابیێن ئێزدی دخانیێن كرێ دانە و ئەڤ یەك ژی بارگرانیە ل سەر قوتابیان".
تعليقات