جەژنا رۆژیێن ئێزی فەرزەكا ئاینی و دیارۆكەكا سروشتی و مفایەكی زانستی و جڤاكی/سالار فائز
جەژنا رۆژیێن ئێزی فەرزەكا ئاینی و دیارۆكەكا سروشتی و مفایەكی زانستی و جڤاكی
سالار فائز
جەژنا رۆژیێن ئێزی ئێكە ژ جەژنێن پیرۆزێن ئاینێ ئێزدیا و فەرزەكە ژ فەررێن تەریقەتێ ،جەژنا رۆژیا د ناڤ گەلەك مللەت و ئۆلان دا هەیە و هەر ئێك ب ڕەنگەكی ڤێ جەژنێ دگێرت،بەلێ ل جەم ئێزدیا جەژنا رۆژیا گەلەك یە كەڤنە و هزرا گرتنا رۆژیا هاتیە ژ دیارۆكێن سروشتی وگرێدایە ب گەردوونناسیێ ڤە و زڤرینا ئەردی ل دۆر رۆژێ و بیردۆزەكا زانستیە و گرێدایە ب زانستێ گەردوونناسی ڤە هەر ئادەمیزادەك ژ تاریێ دترست و تایبەت ل دەمێن كەڤن بتر ترس هەبوو ژ بەر هەبوونا گیانەوەرێن كیویی و دڕندە و نەبوونا هۆێن بەرەڤانیكرنێ ژ وان دیسا وەك نها نەبوونا كارەبێ و شارەزایا خەلكێ ب گەردوونی كو زڤرینا ئەردی ل دۆر رۆژێ چار وەرزێن سالێ پەیدادبن بەلێ زڤرینا ئەردی ل دۆر خوە بخوە شەڤ و رۆژ پەیدادبن ل وی دەمی بەرەڤ وەرزێ زڤستانێ ڤە رۆژكورت بوون و شەڤ درێژ بوون ژبەر ل وان سێ رۆژادا دبتە دوورترین ماوە ل ناڤبەرا عەردی و رۆژێدا سالێدا كو عەرد و رۆژ ژ ئێك دووربن و خەلك ترسیا كو جارەكا دی نەبت رۆژ و ژیان هەردەم بمینت تاری،و ئێزدیا ل وی دەمی هزر كر كو خودایێ رۆژێ ژ وان تۆرەبووە لەورا رابوون ب گرتنا رۆژیا و دابەشكرنا خێراتا ب سەر هەژار و بەلنگازا و خوە دوور كرن ژ گونەه و بەدكارا و سێ رۆژی گرتن رۆژا چارێ دیتن كو رۆژ درێژ بوو ل ئینیێ هنگی كرنە جەژن ،لەورا ئێزدی یەكەمین كەس بووینە ئەڤ جەژنە گێراینە و زانین ل پشت ڤان دیارۆكێن سروشتی خودایەكی مەزن وتاك و تەنیا هەیە.
رۆژیگرتنێ گەلەك مفا هەینە بۆ نموونە ژ ئالیێ ئاینی ڤە خێرەكا مەزنە بۆ وی كەسێ ڤان رۆژیا بگرت ژبەر بڤێ چەندێ مرۆڤ فەرزەكا ئۆلا ئێزدیاتیێ بجه دئینت فەڕزەكا تەریقەتێ و هەر فەڕزەك نزیك بوونە بۆ خودێ،ژ ئالیێ جڤاكی ڤە هەستێ مرۆڤی بەرامبەری كەسانێن هەژار و بەلنگاز زێدە دكەت و مرۆڤی هانددەت كو هاریكاریا وان بكەت و خوە ژ هەموو كارێن خراب و گوننەه و بەدكاریا دووربكەت و خێر و خێراتا بكەت ،و دیسا ل رۆژا جەژنێ ئەگەر ئاریشەك ل گوندی هەبت چارەسەردكەن و دلێ هندەكا ژ ئێك مابت لێك خوەش دبت، بەلێ بێ گۆمان ژ ئالیێ ساخلەمی ڤە مفایێ خوە زۆر هەیە و خواندنا ئەڤ چەندە دووپاتكریە تایبەت مفا هەیە ب دژی نەخۆشیێن (گرێت لەشی ،نەخۆشیا شەكرێ ،كێمكرنا كێشا زێدە ،نەخۆشێن پیستی ،ژانا جۆمگا ...هتد )،بەلێ ژ ئالیێ دەروونی ڤە دەروونێ مرۆڤی رەحەت دبت و هەستێن مرۆڤی بتر دبن و دلۆڤانی بتر لێ دئێت و كاركرن و هزر ل جاكسازیا بتر دبت ، رۆژیگرتن ل جەم ئاینێن دی هندەك ئاینان دەمەكی دیاركری نینە بۆ رۆژیگرتنێ وەك كرستیانا و مەزهەبێن وان بەلێ یا دروست دڤێت بگرن بەری رۆژا ژ دایك بوونا عیسا پێغەمبەر و هژمارا رۆژیا ژی هندەك مەزهب پێنچی رۆژیا دگرن و هندەك بتر یان كێمتر و هندەك هیچ خوارنەكێ ناخۆن و هندەك جۆرەكی تایبەت ناخۆن وەك بەرهەمێن گیانەوەری ژ گۆشتی و سپیاتیا ئەڤە ژی ل پێ بریارێن كەنیسا، بەلێ سەبارەت رۆژیگرتن ل نك یهودیا دوو رۆژ بۆ رۆژیگرتنا مەزنن و چار رۆژ بۆ رۆژیگرتنا بچووكن ، رۆژیگرتنا مەزن ل جەم یهودیا بەردەوام دبت بتر ژ بیست و چار دەمژمێرا و دەستپێدكەت بەری رۆژ بچتە ئاڤا و بدوماهیك دئێت رۆژا دی پشتی رۆژ بچتە ئاڤا و ئەڤ رۆژینە دڕەهانە و هەر تشت نابت ل دەمێ رۆژیگرتنێ وەكی نە خوارن و نە ڤەخوارن و نە ددان شووشتن و نابت پۆرا خوەژی شا كەن و خوە ناشۆن ، بەلێ ل رۆژیگرتنا بچووك نزیكی رۆژێن بسرمانا و ئێزدیانە پشتی نیڤا شەڤێ ،پاشیڤێ دخۆن و هەتا تاری گەوركێ سبێ دبتە دەڤگرتن، بەلێ براستی جهوویا هندەك جێوازی هەینە ل رۆژیگرتنا خوە وەكی هندەك نە ل وی دەمی دگرن یان خوە دشۆن یان ئاڤێ ڤەدخۆن بتنێ خوارنێ ناخۆن یان جۆرەكی خوارنێ ناخۆن وەكی خوارنێن بەز (چەوری) ل گەل هەبت ئەو ژی ژبەر سلامەتی و تەندروستیا وان، بەلێ رۆژیگرتن ل جەم بسرمانا سیه رۆژینە و دەستپێدكەن ژ تاری گەوركێ بەری سبێ ئەم دبێژین دەڤگرتن و هەتا رۆژبجتە ئاڤا و ئەڤە ڤەرزن و خێر ژی هەینە وەكی ئێزدیا و ئەڤ رۆژی هەرسال دكەڤنە مەها رەمەزانێ ،بەلێ جەژنا رۆژیێن ئێزی ل جەم ئێزدیا تەرز و ئاوایەكی تایبەت هەیە.
ژ رێ و رسمێن ڤێ جەژنێ ،رۆژیگرتن پەیڤا رۆژیگرتن :رۆژ ئەو دەمێ مرۆڤ ڕەهاتنا ڤێ پەرستنێ دكەت ئانكو دبتە ستوون بۆ جەژنا رۆژیا ،گرتن ئانكو مرۆڤ رێگربت بەرامبەری حەز و ئارەزووێت خوە وەك خوارن و ڤەخوارن یان قەسێت شاش و خەلەت و سووكاتی و دوربوون ژ گەلاجی و دەرەوا و هەر كارەكی گونەه و بەدكار ...هتد ،مەرەم ژێ ڤیان بۆ خودێ ، دا مرۆڤ فێربت بۆ هەموو ژیانێ ، ژبەر ئێزدیاتی دابەش دبت بۆ دوو فەرزا (فەرزێن حەقیقەتێ و فەرزێن تەریقەتێ ) رۆژیگرتن بەشەكن ژ فەرزێن تەریقەتێ و رۆژیگرتن بۆ ئێزی ئانكو رۆژیگرتن بۆ خودێ ، ئەڤ جەژنە دئێتەكرن پشتی سێ رۆژێن فەرز دئێنەگرتن و رۆژا چارێ دبتە جەژن كو دكەفتە دئینیا ئێكێدا ژ مەها كانوونا ئێكێ ب هژمارا رۆژهلاتی ئانكو رۆژێن : سێ شەمبوویێ و چار شەمبوویێ و پێنچ شەمبوویێ رۆژینە و ئینیێ جەژنە و وەك داب و نەریت ژ ئالیەكی ڤە و خێر و ئەرك ژ ئالیەكی دی ڤە ل دەمێ رۆژیێن ئێزی نێزیك دبن كەسانێن دەولەمەند و خودان شیان دەستێ هاریكاریێ بۆ وان هەژار و بەلنگازان درێژ دكەن ،هەر ئێزدیەكی شیان هەبن دێ رۆژیاگرت یێن فەرز ئەو ژی سێ نە پشتی نیڤا شەڤێ رادبن خوە پاك و تەمیز دكەن و خوارنێ دخۆن دبێژنێ پاشیڤ و بەری سبێ تاری گەوركێ دبتە دەڤگرتن دەڤگرتن : ژی ئەوە نابت مرۆڤ هیچ تشتەكی بخۆت و ڤەخۆت و دڤێت خوە ژ هەموو كارێن خراب و گوننەه و بەدكاریا دووربكەت هەتا هێڤاری نزیكی رۆژئاڤایێ ،رۆژیگر دەست و چاڤێن خوە دشۆت و خوە پاك و تەمییز دكەن و بەر ب رۆژئاڤا ڤە ب پەروەستەی خودێ دبن و دوعایا هێڤاری دكەن پشتی رۆژئاڤا دبتە فتار ، ب ڤی تەرزی هەرسێ رۆژی ب دوماهیك دئێن و رۆژیەك بۆ خودانێ مرۆڤی بخوە ،بەلێ سەبارەت كەسێ نەخوەش یان زارۆك یان پیرو كال دكارن نەگرن ڤان رۆژیا ،بەلێ رۆژیێن خێر ئەو ل دیڤ شیانێن مرۆڤی یە هندەك چل رۆژیا دگرن و هندەك بتر یان كێم تر وەك رۆژی بۆ خاس و جاكا بۆ نموونە رۆژی بۆ خودانێ هەیڤێ یان یێ رێكا ...هتد، دیسان هندەك رۆژی هەینە فەرزن سەر هندەك زەلامێن ئاینی وەك جلەگرا وەك بابێ جاویش و میرحەج ...هتد ل جلێ هاڤینێ و زڤستانێ.
ل جەژنا رۆژیێن ئێزی هندەك رێ و رسمێن هەین،هەر مالەكا ئێزدی ل رۆژا دووشەمبوویێ سەربڕەكێ سەرژێدكەت دبێژنێ رۆژا پەز كوشتنێ و ب سەر دەر و جینارندا بەلاڤ دكەن و ئێزدی ل فتار و پاشیڤێ هەڤ دوو مێڤان دكەن ،و مالێن دەولەمەند و كەدخودا بۆ پاشیڤێ و فتارێ خوارنێ بۆ مالێن هەژار و بەلنگاز دبەن ،ل هیڤارا جەژنێ سەوكا دپێژن و ب سەردەر و جیناراندا بلاڤدكەن ، تاكو نانێ وان تێكەلی ئێك بت مەرەم ژی باوەری و ڤیان و موكومبوونا پەیوەندیێن جڤاكی یە ،ژنك سەرەدانا گۆرستانا گوندی دكەن و سەوكا و زادی ب خێرا مرێن خوە بەلاڤدكەن ،هەروەسا مجێور چرایێن خاسێن گوندی ڤێدخێن ول ڤێ جەژنێ وەكی جەژنێن دی ێن ئێزدیا ل سبەیكێ ،گوندی قەستا نیشانگەه و خاسێن گوندی دكەن و تواف دبن لێ و پاشی كۆم – كۆم دجنە جەژنانێ ، و بۆ دەمێ نیڤرۆ زەلام ل جڤاتا گوندی دجڤیێن و فراڤینێ پێكڤە دخۆن ،و هەگر هات و ئاریشەك ل گوندیدا هەبت جارەدكەن و ئەگەر دلێ هندەكا ژ هەڤ مابت دێ پێك ئین و دلخۆشبن ل ئێك ، وا دیارە ئاینێن دیی رۆژیگرتن بخوە ژ ئێزدیا ڤەگوهاستینە ئەوێن ئاینی وان بەحس لێ نەكری و دگرن وەك رەوشت و تیتالا بۆ وان لێ هاتیە.
جەژنا رۆژیێن ئێزی ئێكە ژ جەژنێن پیرۆزێن ئاینێ ئێزدیا و فەرزەكە ژ فەررێن تەریقەتێ ،جەژنا رۆژیا د ناڤ گەلەك مللەت و ئۆلان دا هەیە و هەر ئێك ب ڕەنگەكی ڤێ جەژنێ دگێرت،بەلێ ل جەم ئێزدیا جەژنا رۆژیا گەلەك یە كەڤنە و هزرا گرتنا رۆژیا هاتیە ژ دیارۆكێن سروشتی وگرێدایە ب گەردوونناسیێ ڤە و زڤرینا ئەردی ل دۆر رۆژێ و بیردۆزەكا زانستیە و گرێدایە ب زانستێ گەردوونناسی ڤە هەر ئادەمیزادەك ژ تاریێ دترست و تایبەت ل دەمێن كەڤن بتر ترس هەبوو ژ بەر هەبوونا گیانەوەرێن كیویی و دڕندە و نەبوونا هۆێن بەرەڤانیكرنێ ژ وان دیسا وەك نها نەبوونا كارەبێ و شارەزایا خەلكێ ب گەردوونی كو زڤرینا ئەردی ل دۆر رۆژێ چار وەرزێن سالێ پەیدادبن بەلێ زڤرینا ئەردی ل دۆر خوە بخوە شەڤ و رۆژ پەیدادبن ل وی دەمی بەرەڤ وەرزێ زڤستانێ ڤە رۆژكورت بوون و شەڤ درێژ بوون ژبەر ل وان سێ رۆژادا دبتە دوورترین ماوە ل ناڤبەرا عەردی و رۆژێدا سالێدا كو عەرد و رۆژ ژ ئێك دووربن و خەلك ترسیا كو جارەكا دی نەبت رۆژ و ژیان هەردەم بمینت تاری،و ئێزدیا ل وی دەمی هزر كر كو خودایێ رۆژێ ژ وان تۆرەبووە لەورا رابوون ب گرتنا رۆژیا و دابەشكرنا خێراتا ب سەر هەژار و بەلنگازا و خوە دوور كرن ژ گونەه و بەدكارا و سێ رۆژی گرتن رۆژا چارێ دیتن كو رۆژ درێژ بوو ل ئینیێ هنگی كرنە جەژن ،لەورا ئێزدی یەكەمین كەس بووینە ئەڤ جەژنە گێراینە و زانین ل پشت ڤان دیارۆكێن سروشتی خودایەكی مەزن وتاك و تەنیا هەیە.
تعليقات