خەلات ب سەر خێزانێن رزگاربووى ژ دەستێ داعشێ ل كۆمه‌لگه‌ها شاريا هاتنه به‌لاڤكرن
ئێزديخان نيوز:
دوهى رۆژا ئێك شه‌مبوويێ 4/12/2016ێ،ل هۆلا لالش۱ ل کۆمەلگەها شاریا سمینارەک ژ بۆ ئافرەتێن دەڤەرا شنگالێ ژ لایێ خانما سەرکردە "د. ڤیان سلێمان" ڤە ل ژێر ناڤێ (نا بۆ توندو تیژی ل دژی ئافرەتێ) هاتە پێشکێش کرن، ب ئامادەبونا کارگێریا لقێ۱۷ یێ پارتی دیموکراتی کوردستان وژمارەکا بەرپرس وکەسایەتیێن دەڤەرێ.
د ڤێ سمینارێ دە "د. ڤیان" زۆر ب رۆنی ل سەر بارو دۆخێ ئافرەتێ ب گشتی راوەستیا وگەلەک خالێن گرنگ گرێدای رەوشا ئافرەتێن دەڤەرا رۆژهەلات دانە خویاکرن ،جەخت ل وەک هەڤیێ دناڤ بەرا هەردوو رەگەزا دە ل هەمو بوارێن ژیانێ دە کر ،هەروەسا ئەو کار تیرۆرستی یێ رێکخراوا داعش کو دژی ئافرەتێن دەڤەرا شنگال ب توندی رسوا وشەرمەزارکر.
وپاشی دەرگەهێ دان وستاندنێ دناڤ بەرا "دکتۆره ڤیان" وئامادەبویا هاتە ڤەکرن وبەرسڤا پرسیارا ب تێر وتەسەلی هاتە دان.
ل داویا سمینارێ وەک رێزگرتنەک ژ بۆ وان ئافرەتێن گرتی ژ لایێ رێکخراوا تیرۆرستی یا داعشێ، خەلات ب سەر چەند خێزانێن رزگاربوین ژ دەستێ زولم وزۆرداریێ هاتنە دابەش کرن ژلایێ ئەنجومەنێ ئافرەتێن دەڤەرا شنگال.
تعليقات