ئێزدیان بیره‌وه‌ریا كاره‌ساتا شنگالێ ل په‌رستگه‌ها لالش گێران
ئێزديخان نيوز:
ئه‌ندامێ لیژنا بیروه‌ریا ساخكرنا كاره‌ساتا شنگال ل په‌رستگه‌ها لالش دیاركر ل رۆژا(2-8-2016) دانی ئێڤاری گه‌نجێن شنگال ب تاج گۆل و كوترین سپی پێشوازی ل كچێن ره‌ڤاندنی كرن ل په‌رستگه‌ها لالش، ئه‌ڤه په‌یامه‌كا بۆ تیرۆرستان كو گه‌نجێن ئێزدیان د به‌رهه‌ڤن ژیانا هه‌ڤژینی دگه‌ل كچان پێك بینن و چه‌ندین حاله‌تێن ژنهینانێ دناڤبه‌را كچین ره‌ڤاندنی و گه‌نجین شنگالی دا په‌ێدابووینه.
ته‌لال شنگالی ئه‌ندامێ لیژنا بیروه‌ریا ساخكرنا كاره‌ساتا شنگال ل په‌رستگه‌ها لالش بۆ ( باسنیوز) دیاركر 74 شه‌مالك هاتنه هه‌لگرن ل په‌رستگه‌ها لالش ئه‌ڤه رامانا هه‌بوونا 74 فه‌رمانان دده‌ت بسه‌ری ئێزدیان هاتین د بیره‌روه‌ریا كاره‌ساتا شنگالی دا مه ڤیت هه‌موو وه‌لاتێن جیهانی پشته‌ڤان بن بۆ رێڤه‌برنا جینوسایدا ئێزدیان و پاراستنا ماڤێن ئێزدیان ل عیراقێ و هاریكاریا حوكمه‌تا هه‌رێما كوردستانێ بۆ ئاڤه‌دانیا شنگال بهێته كرن.
