سەرۆکێ پەرلەمانێ کوردستانێ ل ئەلمانیا نادیا موراد خەلاتکر
ئێن ئارتى
سەرۆکێ پەرلەمانێ کوردستانێ ل باژێرێ بەرلین ل ئەڵمانیا، نادییە موراد وەکی سیمبول و پارێزەرا ژنێن ئێزدی خەلاتکر و راگەهاند "چ جاران ئەم نەشیێن تراژیدیایا ئەنفالکرنا ئێزدیان ژبیر بکەین".
یوسف محەمەد سەرۆکێ پەرلەمانێ کوردستانێ ل باژێرێ بەرلین ل ئەڵمانیا، ئەڤرۆ ٢٩ێ ئادارا ٢٠١٧ێ نادییە موراد وەکی سیمبول و پارێزەرا ژنێن ئێزدی خەلاتکر.
هەڤدەم سەرۆکی پەرلەمانی راگەهاند "هەردەم ئەم نەشیێن تراژیدیایا ئەنفالکرنا ئێزدیان ژبیر بکەین، پشتی وێ رویدانێ ژی پەرلەمانێ کوردستانێ شیا کۆمەلگەها نێڤدەولەتی ژ بارزگانیکرنێ ژ کچ و ژنێن ئێزدی هایدار بکەت و دیکۆمێنتا وێ تاوانێ بگەهینیتە ناڤەندێن جیهانی".
گۆت ژی "نها تیرۆرستێن داعش بەرەڤ نەمانێ دچن، هیڤیدارین بۆ دەرمانکرنا برینا ئێزدیان ژی، لەز بێتەکرن ژ ئاڤاکرنا شنگالێ".
نادییە موراد بالیۆزا نیازپاقژا نەتەوەیێن ئێکگرتی ژی راگەهاند "ئێکەمین بەرپرسێ بلندێ هەرێما کوردستانێ کو ب فەرمی پێشوازی ژ من کری، سەرۆکێ پەرلەمانی بوویە".
دلگرانیا خوە ژی نیشاندا ژ خەمساریکرنا سەبارەت ب ئازادکرنا کچ و ژنێن ئێزدی ژ دەستێ چەکدارێن داعش.
هەر د وێ کۆمبوونێ دا دلێر ماوەتی جێگرێ سەرۆکێ لژنەیا پێشمەرگە ل پەرلەمانێ کوردستانێ گۆت "هەلبژاردنا نادییە موراد وەکی بالیۆزا نیازپاقژیێ ل نەتەوەیێن ئێکگرتی، جهێ شانازیێ یە بۆ مە هەموویان".
تعليقات