ناڤەندا شێورمەندی یا ئێزدیان دگەل وەزیرێ دەولەتێ ل نڤیسینگەها شیرەتكارا ئەلمانیا كۆمبوو
ئێزدیخان نیوز:
ناڤەندا شێورمەندی یا ئێزدیان ل ئەلمانیا دگەل وەزیرێ دەولەتێ ل نڤیسینگەها شیرەتكارا ئەلمانیا پرۆفیسۆد."هیلگا براون"ژپارتا مەسیحی یا دیموكراسی پارتا دەستهەلاتدار دا كۆمبوو.
ل رێككەفتی 27ئادارا 2017ێ،شاندەكێ ناڤەندا شێورمەندی یا ئێزدیان ل ئەلمانیا((ZÊD)یێ پێكهاتی ژ د."عرفان ئورتاج"سەرۆكێ جڤاتێ و د."سەعید سەیدۆ"جێگرێ سەرۆكێ جڤاتێ و خانما كوردی"ئاتلان"ئەنداما دەستەكا كارگێری دگەل وەزیرێ دەولەتێ ل نڤیسینگەها شیرەتكارا ئەلمانیا ل بەرلین كۆمبوون و ب ئامادەبوونا بەرێزد."ماسیاس شمیت"بەرپرسێ كۆچ و خۆگونجاندنێ و خانم"ستیفانی تسفانگر"بەرپرسا كەنیسە و ئایینان ل نڤیسینگەها شیرەتكار مێركل.
د دیدارێ دا گرنگیا بەشداریكرنا ئێزدیان د پرۆسسا سیاسی و جڤاكی و ئابووری دا ل ئەلمانیا ب شێوەیەكێ كارا هاتە گەنگەشەكرن،زێدەباری گەنگەشەكرنا چەند بابەتێن دی ژوانا چاوانیا هاریكاریكرنا ئێزدیان ل عێراق و سووریایێ و گرەنتیا ژیانەكا ئارام و خۆش بۆ وان د وەكهەڤی و پرسا دووبارە ئاڤەدانیا شنگالێ.
دلایەكێ دی دا د."بروان"ئاماژە دا خۆگونجاندنا باش یا ئێزدیان دجڤاكێ ئەلمانی دا و خۆشحالیا خۆ دەربری بۆ پێكئینانا ناڤەندا شێورمەندی یا ئێزدیان كو ژ 70%ژ مال و رێكخراوێن ئێزدی ل كۆمارا ئەلمانیا یا ئتیحادی پێك دئێت.
هەروەسا هەردوو ئالیان دووپات ل سەر كارێ هەڤپشك كر ژبۆ هاریكاریكرنا پەنابەرێن ئێزدی یێن نوو یێن ژ عێراق و سووریا دئێن و هاریكاریكرنا وان بۆ خۆ گونجاندنێ ب شێوازەكێ راست.
تعليقات