"شێخ شامۆ" پێشوازییا شاندەكێ كۆمەلەیا یەكبوون یا كوردی ل رووسیا ل پەرستگەها لالش كر
تۆرا لالش يا راگه‌هاندنێ
ل رێككەفتی 29ئادارا2017ێ،بەرێز"شێخ شامۆ"ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش،پێشوازی ل شاندەكێ كۆمەلەیا یەكبوون یا كوردی ل رووسیا ل پەرستگەها لالش كر.
دهەڤدیتنێ دا،بەرێز"میراب خودیف"سەرۆكێ كۆمەلێ دیاركر كو ئەڤ ئێكەم سەرەدانا وی یە بۆ كوردستانێ و كەیفخۆشە ب دیتنا ڤێ پێكڤەژیان و هەڤگرتنا هەی دناڤبەرا پێكهاتێن گەلێ كوردستانێ دا و سوپاسیا هەموویان دكەم بۆ ڤێ خێرئانینا گەرم ب تایبەت پێشوازیكرنا وی ل پەرستگەها لالش ژبال بەرێز"شێخ شامۆ"ڤە.
ژبال خۆڤە بەرێز"فریك تمویان"ئەندامێ شاندی دووپاتكر كو وی بهیستیە هەولدانێن هندەكان بۆ ژێڤەكرنا شنگالێ ژ كوردستانێ و ئەڤ هەموو هەولدان زیانێ دگەهیننە جڤاكێ ئێزدی،ژبەركو شنگال پشكەكە ژ كوردستانێ نائێتە جوداكرن.
هەروەسا بەرێز"شێخ مراز"ئەندامێ شاندی دووپاتكر كو پاشەرۆژا ئێزدیان ئەوە سەر ب هەرێما كوردستانێ ڤە بن،دیسان رۆلێ پێشمەرگەی یێ قارەمان بۆ ژناڤبرنا رێكخراوا داعش یا تیرۆرستی بلند نرخاند و پێشمەرگە هێمایێ قوربانیدان و قارەمانیێ یە ل جیهانێ دا.
ژئالیێ خۆڤە،بەرێز"شێخ شامۆ"بخێرهاتنا شاندی كر و دیاركر كو كوردستان بنگەهێ پێكەڤەژیان و لێبۆرین و هەموو پێكهاتێن تێدا دژین یە.
بۆ زانین شاندێ كۆمەلەیا یەكبوون یا كوردی ل رووسیا بەری ڤێ سەرەدانێ،مێهڤانێن بەرێز"مەسعوود بارزانی"سەرۆكێ هەرێما كوردستانێ بوون.
تعليقات