حكومه‌تا هه‌رێمێ: بزاڤێن رزگاركرنا كچ و ژنێن ئێزدی به‌رده‌وامن
WAAR – دهۆک:
حكومه‌تا هه‌رێما كوردستانێ، د رۆژا جیهانی یا ژنان دا راگه‌هاند؛ دێ هه‌موو بزاڤان بۆ رزگاركرنا كچ و ژنێن ئێزدی یێن د ده‌ست داعشێ دا، كه‌ن.
د راگه‌هاندنه‌كێ دا حكومه‌تا هه‌رێما كوردستانێ، رۆژا جیهانی یا ژنان، ل هه‌موو ژنێن كوردستانێ پیرۆزكرییه و دیاركرییه، ژنان ب درێژاهییا دیرۆكێ، ب گیان و خوینا خوه، قۆربانی بۆ ئازادی و ئاڤاكرنا وه‌لاتی داینه و رۆله‌كێ كاریگه‌ر ژی، د هه‌موو بوارێن ژیانێ دا هه‌بوویه.
دا زانین ژی كو د ڤێ رۆژێ دا، حكومه‌تا هه‌رێمێ، دوپاتیێ ل سیاسه‌ت و كارنامه‌یا خوه‌یا دابینكرنا ته‌ماما مافێن ژنان و یه‌كسانییێ دكه‌ت و ب هه‌موو هێز و شیان ڤه، پشته‌ڤانییێ ل بزاڤ و تێكوشانا ژنان و مافێن وان یێن ره‌وا دكه‌ت.
خویاژی كرییه كو حكومه‌تا هه‌رێمێ دێ بزاڤێن به‌رده‌وام دایه كو ژنا كورد، هه‌بوونا خوه د هه‌موو قولاچێن ژیانێ دا هه‌بیت و په‌یمان ژی دایه كو هه‌موو بزاڤان بۆ رزگاركرنا كچ و ژنێن ئێزدی یێن د ده‌ست داعشێ دا ماین، بكه‌ن.
تعليقات