185سال ل سەر بیرەوەرییا دلتەزینا كوشتارا گوندێ خەتارێ(9/3/1832) بۆرین
ئێزدیخان نیوز:ڤەكۆلەر داود موراد خەتاری
ژ دەمێ پەیدابوونا ئایینێ ئێزدیان و هەتا ئیرۆ رۆژ د دیرۆكێ دا زنجیرەیەكا فەرمانان(هەوێن كۆمكوژیێ)دگەل دئێن بێ ڤەبرین و تایبەت دەما هزرێن توندەرەو ل دەڤەرێن مە بەلاڤ بووین یێن كوشتن و تالانكرن و سەبیكرن دڤێن.
كورێن ڤی ئایینی تووشی كرێترین هەوێن قركرنێ بووینە و یا پتر خوونرێژی هەوا میرێ مێرنشینا سۆران میر مەحەمەد پاشا ئەلرەواندوی یێ ناسناڤ ب میرێ كۆرە،كو دۆرێن 100هەزار ئێزدی هاتنە كوشتن و سەبیكرن و ئەبیدكرنا هەموو ئێزدیان ل دەڤەرا كەلەك نێزیكی هەولێرێ،ژوێ رۆژێ وەرە هەبوونا ئێزدیان ل وێ دەڤەرێ نەمایە و گهۆرینا جوگرافیەتا دەڤەرێن ئێزدیان دەما كەلەك ل رۆژهەلاتی بوو گوندێ مەهەد بوو داوییا رۆژهەلاتی یا نەخشەیێ وان،و هەموو خەلكێ باشیك و بەحزانێ كوشتن و كەس ژێ نەما ژ بلی ئەوێن ژ دەرڤەی گوندان بوون،و پتری 100هەزار كوردی ژ دەڤەرێن بادینان هاتنە كوشتن ژبەركو یێ حاقد بوو ل سەر كوردان وەك نەتەوە و ئێزدیا وەك ئایین،و 375مەسیحی ل ئەلقووش هاتنە كوشتن و یا خوونا وی بوو هەر ئێكێ دژی وی با دكوشت.
هێرشا سەر گوندێ خەتارێ یا نۆكە گرێدایی قەزا تلكێفێ 36كیلۆمەترا باكوورێ مووسلێ،ل رۆژا پێنج شەمبوویێ رێككەفتی(9/3/1832)و گوند هاتە قركرن و ژمارا خەلكێ وێ دۆرێن 10هەزار كەسان بوون هەموو زەلام هاتنە كوشتن و ژن و كچ و زارۆك هاتنە سەبیكرن،كەسێ ساخ دناڤ گوندی دا نەما تنێ ئەوێن ژ دەرڤە،بەلێ پشتی سێ سالان ژمارەكا ژنا دگەل زارۆكێن خۆ رەڤین،سوپاس بۆ(مگرانیە دیر الربان هرمز)ل ئەلقووشێ بۆ دكیۆمێنتكرنا فەرمانێ هنگی،دانەیەكا وان دكیۆمێنتا دایە من و من وەرگێرایە بۆ ئەرەبی و خووندەڤان دكارن ببینن دپەرتۆكا مە(الایزیدیە فی المخگوگات الكلدانیە)یا هاتیە چاپكرن ل بەغدایێ ل سالا 2010ێ.
ئیرۆ گوند گەهشتیە وێ ئەوا نە وەك رۆژا كارەساتێ سەر تفنا دووژمنان.
د بیرەوەرییا ڤێ كارەساتا دلتەزین دا...سلاڤ بۆ جانگۆرییان ئەوێن ب خوونا خۆ كرینە قوربانی.
ناما مە بۆ دووژمنێن مە ئێك هێز ل جیهانێ(كۆرە دوهی و داعش ئیرۆ و ؟؟؟ل پاشەرۆژێ)ڤی ئایینی ژ ناڤ ببەت هەر دەما هەول دا ب هەر رێیەكا كۆمكوژیێ.
وەرگێران:ئێزدیخان نیوز
تعليقات