مووچێ چاڤدێریا جڤاكی ژ خێزانێن ئاوارێن ئێزدی ل كەمپان دا نائێتە برین
ئێزدیخان نیوز:
وەزیرێ كار و كاروبارێن جڤاكی یێ عێراقێ راگەهاند:"بجدی دێ كاركەین چاڤدێریا جڤاكی ژ ئاكنجیێن كەمپان یێن ژێگرتی نەئێتە برین،ژبەركو ئەو پێدڤی نە دڤان كاودانێن ب زەحمەت یێن تێرا دەرباز دبن".
پەرلەمانتارا ئێزدی"ڤیان دەخیل"ئەنداما ئەنجوومەنێ نوونەرێن عێراقێ دگەل "مەحەمەد شیاع ئەلسودانی" وەزیرێ كار و كاروبارێن جڤاكی یێ عێراقێ ل بارەگایێ وەزارەتێ ل بەغدا كۆمبوو.
نڤیسینگەها پەرلەمانتار"ڤیان دەخیل"راگەهاند:"دهەڤدیتنێ دا بابەتێ برینا چاڤدێریا جڤاكی ل سەر ژێگرتیان و ئەو نۆكە ئاوارەنە و ل كەمپان ئاكنجینە هاتە گەنگەشەكرن،زێدەباری ژێگرتنا كۆمەكا خێزانێن ئێزدی و ب تایبەت رزگاربوویان ژ دەستێ داعشێ و خێزانێن وان ب مووچێ چاڤدێریا جڤاكی،وەزیری دووپاتكر بجدی دێ كاركەین چاڤدێریا جڤاكی ژ ئاكنجیێن كەمپان یێن ژێگرتی نەئێتە برین،ژبەركو ئەو پێدڤی نە دڤان كاودانێن ب زەحمەت یێن تێرا دەرباز دبن،هەروەسا رێكە چارەك بۆ ڤێ كێشێ هاتە دانان".
دلایەكێ دی یێ هەڤدیتنێ دا،دراڤێ بۆ دووبارە پێگەهاندنا رزگاربوویان ل بوودجا فیدرالی هاتە گەنگەشەكرن،كو فەرە بێتە وەبەرهێنان ل پرۆژێن پێگەهاندنێ بۆ رزگاربوویان.
ل داوییا هەڤدیتنێ،پەرلەمانتارێ سوپاسیا وەزارەتێ و وەزیری بۆ هەڤكاریێ كر بۆ هەموویا دبەرژوەندا وەلاتی دا و ب تایبەت ئەو تەخا پێدڤی چاڤدێری و پشتەڤانیێ
تعليقات