نووچەیەكێ خۆش بۆ خەلكێ ئاوارەیێ ناوچەدارییا باشیكێ
ئێزدیخان نیوز:
سەرۆكێ جڤاتا ناوچەدارییا باشیكێ ئاشكەرا دكەت،هیڤی خوازین ژ خەلكێ دەڤەرێ یێ بڤێت ڤەگەرتە مالا خۆ ل ناوچەداریێ لەزێ ل رێڤەبرنا كاروبارێن خۆ دا بكەتن.
داسن قەوال،سەرۆكێ جڤاتا ناوچەدارییا باشیكێ دراگەهاندنەكێ دا دیاركر:"ل ڤان رۆژان گەلەك رێكخراوێن نێڤ دەولەتی دئێن بۆ جڤاتا ناوچەداریێ و پرسیارا ژمارا خێزانێن ڤەگەریاینە دەڤەرێ دكەت،ژبۆ پێشكێشكرنا هاریكارییان بۆ وان ژ جلكا و بەتەنیا و دۆشەكا و كەرەستێن ساخلەمیێ و تەباخان و هەتا كار و دانانا دەرگە و پەنجەرێن پلاستیكی بۆ مالێن وان،دبت هاریكاریێن مادی كو گوژمەكێ دراڤی بت هەبن و دێ گەلەك جۆرێن دی یێن هاریكارییان هەبن".
ئاماژەكر:" هیڤی خوازین ژ خەلكێ دەڤەرێ یێ بڤێت ڤەگەرتە مالا خۆ ل ناوچەداریێ لەزێ ل رێڤەبرنا كاروبارێن خۆ دا بكەتن،ل نێزیك دێ دست ب كاركرنا ژمارەكا بیرێن ئاڤێ ل باشیك و بەحزانێ و بەشەكێ بیرا ل گوندان كەین،هەروەسا دێ تانكەرەكێ ئاڤێ ژ باژێرڤانیا باشیكێ وەرگرین و دێ ئاڤێ پێ گەهیننە وان یێن ئاڤا بیران ناگەهشتێ".
تعليقات