دوو کچێن ئێزدی ھاتنە رزگارکرن

باسنيۆز:

رێڤەبەرێ نڤێسینگەھا کاروبارێن رەڤاندیان ل دھۆکێ دیارکر ل 16/1/2017 دو کچێن کوردێن ئێزدی ژ دەستێن تیرۆرستێن داعش ھاتنە رزگارکرن ب دیتنا خێزان و کەس وکارێن خوە شادبوون.

دەرمان خەتاری، رێڤەبەرێ نڤێسینگەھا کاروبارێن رەڤاندیان ل دھۆکێ، بۆ (باسنیوز) د یارکر: "ئیک ژ وان کچێن ئەڤرۆ ھاتیە رزگارکرن د ژیێ 18 سالیی دایە و ئاکنجیا تلقسب بخویە ب ھەڤکاریا دەزگەھێن ئیمناھیی ل دھۆکێ ھاتە رزگارکرن ژ دەستێن تیرۆرستێن داعشێ و کچا دێ ژیێ وێ 10 سالن ئەو خەلکا گۆندی گوچو یە ب ھەڤکاریا خێرخوازان ئەڤرۆ ھەر دو کچ ب ریێا نڤیسینگەھا کاروبارێن رەڤاندیان ھاتنە رزگارکرن ب دیتنا کەس وکارێن خوە شادبوون".

ل کارەساتا شنگال 7 ھزار کوردێن ئێزدی ھاتنە گرتن و کوشتن و رەڤاندن ھەتا نوکە پتر ژ دوو ھزار و 800 رەڤاندیان ب ریێا نڤیسینگەھا کاروبارێن رەڤاندیان ل دھۆکێ یێن ھاتینە رزگارکرن ھیشتا ھەژمارەکا زۆر رەڤاندیان دەستێن تیرۆرستێن داعشێ دا ماینە.