نێزیكی120 حالەتێن رەتكرنێ بۆ پەنابەرێن ئێزدی ل ئەلمانیا هاتینە
ئێزدیخان نیوز:
چالاكڤانا ئێزدی"نارین شەمۆ"گازیا خۆ دگەهینتە هەموو بنگەه و رێكخراو و مالێن ئێزدیان ل ئەلمانیا،كو ل سەر پێكۆلێن خۆ ئێكگرتی بن و ب ئاخڤن دگەل جهێن ناڤخۆیی ل پارچەیێن وان و حكوومەتا بەرلینێ بكەن.
چالاكڤانێ دراگەهاندنەكێ دا ئاشكەراكریە و دبێژت:"حالەتێن نێزیكی 120كەسان بۆ من هاتینە كو داخوازا وان یا مافێ پەنابەریێ هاتیە رەتكرن،نێزیكی 40%ژوان زارۆك و ژنن و 60%ژوان ژ شنگال و باشیك و بەحزانێ و مەهەتێ و خەتارێ و دەردۆرێن شێخانن،رێژەیا دی بۆ ئاكنجیێن كۆمەلگەهێن شاریا و خانكێ دزڤرت".
ئاماژەكریە ژی كو هەموو جهێن من ئاگەهداركرین و داخواز ژێكری دەستێوەردانێ بكەن و ژوانا رێكخراوا"هیومن رایتس ووتش"ڤەجنقییە ژبارودۆخی.
نارین شەمۆ دبێژت ژی هەول ددەم هەموو دەرگەهێن نێڤ دەولەتی بقوتم یێن دناسم و گرنگیێ ب مافێ مرۆڤی و پەنابەران و كێمینەیان ددەن،كو بگەهمە ئەنجامەكێ فشاركرنێ بۆ ڤەكرنا ڤێ دۆسێ دگەل هەموو جهێن ئەلمانی یێن پەیوەنیدار.
هەروەسا دیاركریە گازیا خۆ دگەهینمە هەموو بنگەه و رێكخراو و مالێن ئێزدیان ل ئەلمانیا،كو ل سەر پێكۆلێن خۆ ئێكگرتی بن و ب ئاخڤن دگەل جهێن ناڤخۆیی ل پارچەیێن وان و حكوومەتا بەرلینێ بكەن،دوێ باوەریێ دامە ئەگەر چێبوو دێ گەهینە ئەنجامەكی كو داخوازكەرێ مافێ پەنابەریێ ژئێزدیان یێ هەژی یە و ئەو ژی مافێ ئاكنجیكرنێ ل ئەلمانیا و مافێ ژیانەكا ئارامە.
تعليقات