شێخ شامۆ:ل سەر هەموو تایێن لالش پشتەڤانیا ئێتیمان و كەسێن پێتڤی بكن
تۆرا لالش یا راگەهاندنێ
"شێخ شامۆ"سەرۆكێ دەستەیا بلندا بنگەهێ لالش ل دهۆكێ،رۆلێ پێشمەرگەیێ قارەمان و سەركەفتنێن وان ل سەر رێكخراوا داعش یا تیرۆرستی ل سەنگەرێن شەری بلند نرخاند،هەروەسا پیرۆزباهی ل خەلكێ باشیك و بەحزانێ كر ب هەلكەفتا رزگاركرنا دەڤەرا وان،دووپاتكر كو سەرەدانا"سەرۆك بارزانی"بۆ باشیكێ یا دیرۆكی یە و دێ بتە ئەگەرێ بهێز ئێخستنا پەیوەندیێن جڤاكی دناڤبەرا پێكهاتێن گەلێ كوردستانێ ل دەڤەرێ ل پاشەرۆژێ دە.
بەرێز"شێخ شامۆ" دكۆمبوونا ئەندامێن دەستەیا بلند و سەرۆكێن تایان دا كو ل رێككەفتی 26/11/2016ێ هاتبوو گرێدان دووپاتكر ل سەر بنگەهێ لالش پلانەكێ دانێت بۆ پشتی رزگاركرنا مووسلێ،دیسان ل سەر هەموو تایێن لالش پلانەكا كاری بۆ سالا داهاتی پێشكێش بكن و دیسان هەموو بنگەهێن لالش بەرهەڤ بن بۆ هاریكاریكرنا زارۆكێن ئێتیم و كەسێن پێتڤی ب هەلكەفتا نێزیكبوونا جەژنا رۆژیێن ئێزی،ئاماژەكر كو بنگەهێ لالش ب رێیا بەرنامێ سەما رابوو ب ئەرشیف و دكیۆمێنتكرنا هەموو زەرەرێن دەڤەرا باشیكێ ب تایبەت مەزارگەه و جهێن پیرۆز.
سەرۆكێ دەستەیا بلند رۆنكرژی ڤەكرنا قوتابخانێن برایەتی ئێك ژ دەستپێشخەریێن بنگەهێ لالش و حكوومەتا هەرێما كوردستانێ بوون رابوو ب ڤەكرنا وان قوتابخانان داكو قوتابیێن مە یێن خۆشتڤی خووندنا خۆ تەمام بكن،هەروەسا پشتی پتر ژ 400قوتابیان داخوازكری یێن مەرجێن برایەتی ژێنەگرتین،ل سەر راسپاردەیا جەنابێ(سەرۆك بارزانی) بۆ جهێن شۆلەژێ مە كاری رازەمەندییان بۆ ڤان قوتابیان بینین بۆ دا ل قوتابخانان بێنە وەرگرتن.
ل داویێ ژی گرنگترین چالاكیێن تایێن لالش و نڤیسینگەهان هاتنە گەنگەشەكرن.
تعليقات