دو گۆرِێن دی يێن ب كۆم ل شنگالێ هاتنە دیتن
ئێزديخان نيوز:
قائیمقامێ قەزا شنگال دیاركر ل دەڤەرا شنگال دو گۆرێن دی ب كۆم هاتنە دیتن د هەر گۆرەكی ب كۆم دا 9 هەتان 10 وەلاتیان یێن تێدا هاتینە گولەبارانكرن، هەژمارا گۆرێن ب كۆم گەهشتنە 29 گۆرێن ب كۆم ل شنگالێ.
ئەڤرۆ 27/11/2016 مەحما خەلیل، قائیمقامێ قەزا شنگال بۆ(باسنیوز) دیاركر ل سەنتەرێ قەزا شنگال دو گۆرێن ب كۆم هاتینە دیتن، هەموو وەلاتین سڤیل دناڤ ڤان هەر دوو گۆرێن ب كۆم هاتینە گولەبارانكرن ژلایێ رێكخراوا تیرۆرستێ داعشێ ڤە، ئەم پَیشبینی دكەن هەتا هەموو دەڤەرێن سەر شنگالێ ڤە رزگاردبن و مووسل ژێ رزگاردبیت پتر ژ 40 گۆرێن ب كۆم بهێنە دیتن، هەتا نها 29 گۆر یێن هاتینە دیتن چوو ژ وان گۆرێن ب كۆم نەهاتینە ڤەكرن ئەم داخوازی دكەن لژنێن تایبەتمەند بهین بۆ ڤەكرنا گۆرین ب كۆم بهێنە پاراستن وەكو دیكومینت بۆ جینوسایدی.
دووڤ پیشبینان پتر ژ 1300 وەلاتین سڤیل یێن هاتینە شەهیدكرن دناڤ گۆرێن ب كۆم دا هاتینە ڤەشارتن ل دەڤەرێن جۆدا جۆدا ل قەزا شنگالێ.
تعليقات