التخطي إلى المحتوى الرئيسي
بحث هذه المدونة الإلكترونية
ئێزدیان داخوازا چاڤدێریێ كر...دڤێت پێرابونێن جدی بۆ كەیسا جینۆسایدێ بێنە كرن
ئێزدیخان نیوز:كاروان باعەدریكوربەندا مافێن كەمینەیان یا نەهێ ژلایێ نەتەوەیێن ئیكگرتی ڤە ل جنێڤا پایتەختێ سویسرا ل رێككەفتی 24-25/11/2016ێ هاتە بەستن،ئێزدیان ژی وەك كەمینەیەك بەشداری كر و داخوازیێن خۆ پێشكێشی جڤاتا ناڤبری كرن.
جەلال لازگین،چالاكڤانێ ئێزدی و ئێك ژ پشكداربوویێ ڤی كۆربەندی بۆ(ئێزدیخان نیوز)خویاكر:"كوربەندا مافێن كەمینەیان یا نەهێ هەر سال جارەكێ ئەڤ كۆربەندە ژلایێ نەتەوەیێن ئیكگرتی ڤە ل جنێڤ - سوێسرا تێتە بەستن و تێدا چەندین پەیڤ و گۆتار ژلایێ نوونەراتیێن پتر ژ 100 وەلاتێن جیهانێ و رێكخراوێن مافێ مرۆڤی یێن سەر ب نەتەوەیێن ئێكگرتی ڤە و هەروەسا رێكخراوێن جڤاكێ مەدەنی و چالاكڤانان ڤە تێنە خووندن،كو بەحسێ هەموو پێشیلكاریێن ددەرهەقێ كەمینەیان هاتینە ئەنجام دان دئێنە بەحسكرن و بۆ جڤاتا مافێ مرۆڤی یا نەتەوەیێن ئیگگرتی دئێنە بلندكرن،ژبۆ كو رێكەچارەیەك بێتە دیتن و فشار ل سەر وان حكومەتان بێتە كرن كو مافێ كەمینەیان بێتە پاراستن و یاسایێن تایبەت بۆ وان بێنە دەرئێخستن".
گۆتژی ئەڤێ جارێ ژ هەموو سالێن دی ب هێزتر چالاكڤانێن ئێزدی پشكداری تێدا كر لگەل پشكداریا زارۆكەكێ رزگاربوویێ دەستی داعشێ كو بەحسێ وان تاوانێن هەمبەری ئێزدیان هاتینە ئەنجام دان كرن".
لەزگین ئەو چەندە ژی خویاكر:"داخوازیێن مە داخوازیێن ئێزدیانە كو مافێ وان بێتە پاراستن و پێرابوونێن جدی بێنە كرن بۆ جینۆساید ناساندنا كارەساتا شنگالێ و پێشكێشكرنا ئالیكاریا زێدەتر بۆ ئاوارەیان كو پتر ژ دوو سالانە دبن خیڤەتان ڤە ژیانا خۆ دبۆرینن،چەندین داخوازیێن دی وەك ئاڤاكرنا جهـ وارێن وان و جارەكا زڤرین بۆ سەر مال و مولكێن خۆ و داخوازیا چاڤدێریەكا نێڤ دەولەتی كریە بۆ پاراستنا كەمینەیا ل عێراقێ".
تعليقات