بنگه‌هێ لالش:كۆچۆ كوكا برینا ئێزدیا و سومبولا هۆڤاتیا ئایدلۆژیا تاریا تیرۆرێ یه
بنگه‌هێ لالش:كۆچۆ كوكا برینا ئێزدیا و سومبولا هۆڤاتیا ئایدلۆژیا تاریا تیرۆرێ یه
_ده‌سته‌سه‌ركرنا بكوژان و سپاندنا دادپه‌روه‌ریێ دێ پشكه‌كا ئارامیێ بۆ گیانێ قوربانیان و كه‌سوكارێن وان ڤه‌گه‌رینت.
ل بیرئانینا دلته‌زینا كرێترین قركرنا كۆمكوژیا بكۆم ژ ده‌ما هه‌زارا دووێ دا،چاڤه‌رێ یه سبه‌ی رۆژا شه‌مبوویێ رێوره‌سمێن ڤه‌شارتنا رووفاتێن 104 وه‌لاتیێن خه‌لكێ گوندێ كۆچۆ یێ قركری ده‌ست پێ بكن،ئه‌وێن خه‌لكێ گوندی كه‌فیتنه د ده‌ستێ زنجی و عەبید و کۆلەدارێن بیابانا و دوژمنێن مرۆڤایه‌تی و رۆناهی و ژیانێ یێن گرۆپێ داعش یێ تیرۆری دا ل ده‌مێ ده‌ست بسه‌ر شنگال دا گرتی ل 3ی ته‌باخا 2014ێ.
ڤه‌شارتنا رووفاتێن ڤان قوربانیان یێن بێ گونه‌هـ برینێن ئێزدیان ب گشتی و شنگالیان ب تایبه‌ت بتر كور و دئێشینت،ب تایبه‌ت كو ئه‌ڤ گوندێ بێ گونه‌هـ هێشتا وه‌كو ڤالا مایه و گشت گه‌نج و زه‌لامێن گوندی هاتینه كوشتن یان چاره‌نڤیسێ وان یێ دیار نینه، زێده‌باری گه‌له‌ك كچ و ژنێن گوندی هاتن گرتن و دیل كرن كو تاوانه‌كا هه‌موو مرۆڤایه‌تی و دیرۆك و جڤاكێن شارستانی شه‌رمه‌زار دكن.
كۆمكوژیا بكۆم یا بسه‌ر كۆچۆ دا هاتی،دێ چرایه‌ك بت بۆ هه‌ر ئێكێ باوه‌ری ب پره‌نسیپێن مرۆڤایه‌تیێ هه‌بت هه‌تا كو ئه‌وا ئێزدی تووشبووینێ ب تاوانا جینۆسایدێ بێته هژمارتن،پێتڤیه جڤاكێ نێڤ ده‌وله‌تیب ته‌مامی دانپێدانێ بڤێ تاوانا هۆڤانه بكت،داكو دووڤچۆنا هه‌ر ئێكێ هاریكاری بووی ل هێرشا شنگالێ و ب هه‌ر ئاوایه‌كی هاریكاریا گرۆپێن تیرۆری كری،ژ خیانه‌تكاران ل ده‌ردۆرێن شنگالا بریندار چ ژ نێزیك یان دوور ڤه بت.
ده‌سته‌سه‌ركرنا بكوژان و سپاندنا دادپه‌روه‌ریێ دێ پشكه‌كا ئارامیێ بۆ گیانێ قوربانیان و كه‌سوكارێن وان ڤه‌گه‌رینت،و دێ وانه‌كا گران و دژوار بۆ دووباره نه‌بوونا ڤان هه‌وێن كۆمكوژیا بكۆم هه‌مبه‌ری ئێزدیان ل پێشه‌رۆژێ دا،ب تایبه‌ت كو بیردانكا ئێزدیا یا پری ده‌رده‌سه‌ری و وێنێن 74فرمان و هه‌وێن قركرنێ یه كو هه‌موو دژی باب و كالێن مه هاتینه ب ئه‌گه‌رێن ره‌گه‌ز په‌رستی و كه‌رب و كینا ئۆلی،ده‌م هاتیه بۆ راگرتنا زنجیره‌یا كۆمكوژیان دژی ئێك ژ كه‌ڤنار و كه‌ڤنترین ئاینان ل رۆژهه‌لاتا ناڤین دا.
نەمری ژبۆ جانگۆریێن کۆچۆ یێن بێ گونه‌هـ و تەڤایا جانگۆریێن شنگالێ و پێشمه‌رگه‌یێن قه‌هره‌مان یێن هه‌ڤكار بووین بۆ تێكشكاندنا ئه‌فسانه‌یا داعشێ،و سوپاس بۆ هێزێن هه‌ڤپه‌یمانیا نێڤ ده‌وله‌تی بۆ ژناڤبرنا داعشێ.
سوپاس و پێزانینێن بلند بۆ حكومه‌تا هه‌رێما كوردستانێ درێغی نه‌كریه بۆ رزگاركرنا گرتیێن شنگالێ ب گشتی و خه‌لكێ كۆچۆ ب شێوه‌كی تایبه‌ت.
ئازادی ژبۆ ته‌ڤایا گرتیێن خه‌لكێ شنگالا بریندار
روره‌شی و سەرشۆری ژبۆ تیرۆرستێن هۆڤ و قرێژ و چەپەل دوژمنێن مرۆڤایەتیێ.
ده‌سته‌یا بلندا بنگه‌هێ لالش یێ ره‌وشه‌نبیری و كۆمه‌لایه‌تی/دهۆك
5ی شووباتا2021ێ
تعليقات