نێچیرڤان بارزانی: میر تەحسین بەگی خەباتەکا بەرچاڤ هەبوو
WAAR-دهۆك:
سەرۆکوەزیرێ هەرێما کوردستانێ رۆلێ میرێ ئێزدییان د خەباتا کوردستانێ دا ب گرنگ ناڤ کر و سەرەخوەشی ل مالبات و کەسوکار و هەموو ئێزدیێن کوردستانێ کر.
نێچیرڤان بارزانی، سەرۆکوەزیرێ هەرێما کوردستانێ پشتی وەغەرا میر تەحسین بەگ، میرێ ئێزدییان ب دەمەکێ کێم، د پەیامەکێ دا سەرەخوەشی ل مالبات و کەسوکارێن میر تەحسین بەگی و جڤاتا رۆحانی یا ئێزدییان و هەموو ئێزدیێن کوردستانێ کر.
نێچیرڤان بارزانی د پەیاما خوە دا رۆلێ میر تەحسین بەگی د تەڤگەرا کورداتیێ و شۆرەشا ئیلۆنێ دا ب رۆلەکێ مەزن ناڤ کر و دیار کر، تەحسین بەگی پێگەهەکێ بهێز د ناڤا ئێزدی و موسلمان و هەموو پێکهاتەیێن کوردستانێ و ئیراقێ دا هەبوو.
تعليقات