خێری بۆزانی: تەرمێ میر تەحسین دێ ل باعەدرێ ئێته‌ ڤەشارتن

WAAR-دهۆك:

رێڤەبەرێ گشتیێ کاروبارێن ئێزدییان ل وەزارەتا ئەوقافا ھەرێمێ بۆ وار راگەھاند؛ تەرمێ میر تەحسین بەگ دێ بۆ ھەرێما کوردستانێ ھێت ڤەگوھاستن و ل باعەدرێ ھێت ڤەشارتن.

خێری بۆزانی کو نھا ل وەلاتێ ئەلمانیا یە بۆ وار راگەھاند؛ لسەر ئەرکێ نێچیرڤان بارزانی سەرۆکوەزیرێن ھەرێما کوردستانێ، تەرمێ میر تەحسین دێ ب فرۆکەیەکا تایبەت ژبۆ ھەرێما کوردستانێ ھێت ڤەگوھاستن.

دیار ژی کر، تەرمێ میرێ ئێزدییان دێ ل ناڤچەیا باعەدرێ وارێ میری ل رۆژھەلاتێ پارێزگەھا دھۆکێ ھێت ڤەشارتن.

رێڤەبەرێ کاروبارێن ئێزدییان دیار ژی کر، بەھیا میرێ ئێزدییان بۆ دەما سێ رۆژان دێ ل باژێرێ ھانۆڤەر ل وەلاتێ ئەلمانیا و ھەروەسا ل ھەرێما کوردستانێ ژی ھێت دانان.