شانده‌کێ بلندێ ئێزدیان ل ئه‌لمانیا یه‌...دێ چه‌ندین دیداران لگه‌ل به‌رپرسێن وى وه‌لاتی ساز که‌ت

كوردستان تی ڤی 

شانده‌کێ بلندێ کوردێن ئێزدی،کو پێک هاتیه‌ ژ میر ته‌حسین به‌گ و بابه‌ شێخ و ژماره‌کا ئه‌ندام و شیره‌تکارێن جڤاتا روحانیا ئێزدیان سه‌ره‌دانا ئه‌لمانیا کریه‌ .

بریاره‌ شاندێ ناڤبری چه‌ندین دیداران ل گه‌ل به‌رپرسێن ڤی وه‌لاتی ساز بکه‌ت و سه‌ره‌دانا چه‌ندین سازی و ناڤه‌ندێن لێکولینێ بکه‌ن و بو ماوێ چوار روژان سه‌ره‌دان و چالاکیێن شاندێ ئێزدیێن هه‌رێما کوردستانێ دێ به‌رده‌وام بن ل ئه‌لمانیا.

شاندێ ناڤبری ل سه‌ر داخوازا جێگرێ سه‌روکێ په‌رله‌مانێ هه‌رێما براندنبورگ (دیته‌ر دومبروڤسکی ) سه‌ره‌دانا وه‌لاتێ ئه‌لمانیا کرینه‌.

ژلایه‌کێ دیڤه‌ شێخ زێدو باعه‌دری ئه‌ندامێ شاندێ ناڤبری بو کوردستان تیڤی دا دیار کرن دماوێ ڤان روژان ئه‌ودێ چه‌ندین دیداران سازکه‌ن ژوانا سه‌ردانا په‌رله‌مانێ ئه‌لمانیا فیدرال و وه‌زاره‌تا ژده‌رڤه‌یا ئه‌لمانیاو دگه‌ل فراکسیونێن دناڤا په‌رله‌مانێ ئه‌لمانیا کۆمبن و دێ داخوازێ پتر هاریکاریێ ژ حکومه‌تا ئه‌لمانیا که‌ن و ئاڤاکرنا ده‌ڤه‌رێن ل ژێر ده‌ستێ تیرورستێن داعش هاتینه‌ رزگارکرن و هه‌روه‌سان دێ به‌حسێ وێ پێکڤه‌ ژیانا هه‌می ئول و نه‌ته‌وان که‌ن یال هه‌رێما کوردستانێ هه‌ی.

هه‌روه‌سان وه‌کیلێ میرێ ئێزدیان حازم ته‌حسین به‌گ گوت ئه‌م یێت هاتین سوپاسیا په‌رله‌مانێ هه‌رێما براندنبورگ بکه‌ین ژبه‌رکو وان چاره‌سه‌ریا زێده‌تر ژ پێنج سه‌د ڕزگاربویێن ده‌ستێ داعش گرتیه‌ سه‌ر ملێ خوه‌ و دخوازن چاره‌سه‌ریا ده‌رونی ل ئه‌لمانیا بو وان بهێته‌ کرن و هه‌روه‌سان داخوازا ئاڤه‌دانکرنا شنگار و ده‌ڤه‌رێن دن یێن ئێزدیان بابه‌ته‌کێ دیێ دانو ستاندنێن شاندێ کوردێن ئێزدی و به‌رپرسێن ڤی وه‌لاتی بن.