پاپایێ ڤاتیكانێ دوعا بۆ ئێزدییان دكه‌ت
WAAR-دهۆك:
پاپایێ ڤاتیكان دوعا بۆ كوردێن ئێزدی و وان هه‌موو كه‌سان كرن كو ل رۆژ هه‌لاتا ناڤین ب ئه‌گه‌را تیرۆرا داعشێ بووینه قوربانی.
پاپا فرانسیس، دوهی د گۆتاره‌كێ دا ل ڤاتیكان ب ئاماده‌بوونا هه‌زاران كه‌سان دوعا ژ بۆ كوردێن ئێزدی كرن و داخواز ژ جڤاكا نێڤده‌وله‌تی كر بزاڤێن خوه ژ بۆ هاریكارییا خه‌لكێ كریستیان، بوسرمان و كه‌مینه‌یێن ئۆلی وه‌كو ئێزدییان خورت تر بكه‌ن كو بووینه قوربانیێن شه‌ری.
پاپایێ ڤاتیكانێ هه‌روه‌سا داخواز هه‌موو پێكهاته‌یان كر ژ بۆ پاشه‌رۆژه‌كا ئاشتییانه و دوور ژ شه‌ڕی رێیا دۆستا‌تیێ بگرن.
كوردێن ئێزدی ژ به‌ر رێكخستنا تیرۆرستییا داعشێ ل 3 ته‌باخا سالا 2014ێ رو ب رویێ كوشتن و كاره‌ساتێن مرۆڤی ل شنگالێ و ده‌ور و به‌ران بوون و ب هزاران ژ ئالیێ وێ رێكخستنێ ڤه هاتنه ره‌ڤاندن.
تعليقات