ڤەگوهاستنا چقلێن داران(كێشانا سەفەرا قۆلان)ل پەرستگەها لالش دەستپێكر
ئێزدیخان نیوز:
ب ئامادەبوونا سەماحەتا"بابا شێخ"و زەلامێن ئایینی و خۆبەخشان(خلمەتكاران)،دوهی رێككەفتی 29ئادارا2017ێ، ڤەگوهاستنا چقلێن داران(كێشانا سەفەرا قۆلان)ل پەرستگەها لالش دەستپێكر.
سەماحەتا"بابا شێخ"پەیڤەك پێشكێشكر و گۆت:"هیڤیخوازین ئەڤ هەلكەفتە خێر و ئاشتی ل سەر هەموو مرۆڤایەتیێ دا بت و ئارامی و ئاشتی دڤی وەلاتی دا بەرقرار بتن،ل سەر زەلامێن ئایینی و هەموو بەشداران زیانێ نەگەهیننە دارێن كەسك و نەبرن".
ژبال خۆڤە"عامر مەحمود"ئێك ژ خلمەتكارێن بەشدار دبێژت:"ئەڤ رێورسم دكەڤنن ل پەرستگەها لالش و ل پەرستگەهێ چەندین خلمەتكار(خۆبەخشێن كاری) و چلەگر هەبوون ئەوێن پێتڤی داران ب مەرەما كارێ سماتێ ومەرەما گەرمكرنێ،هەروەسا خۆبەخش ژ باشیك و بەحزانێ و شێخان و خەتار و سرێچكا و هەموو دەڤەرێن ئێزدیان دئێن بۆ بەشداریكرنێ دڤی كاری دا".
هەروەسا خلمەتكار"مەروان علوبی"دیاركر:"سالانە دگەل زەلامێن ئایینی و هەموو خلمەتكاران بەشداریێ دڤێ هەلكەفتێ دا دكەین و دچینە چیایی بۆ برینا داران و دئینن بۆ پەرستگەهێ ب مەرەما بكارئینانا وان بۆ خوارنا پیرۆز سماتێ و چەند كارێن دیتر ل پەرستگەهێ دا".
ل دەستپێكا وەرزێ بەهارێ ڤەگوهاستنا داران ل پەرستگەها لالش دەستپێدكەت.
راگەهاندنا جڤاتێ:
تعليقات