پەرتۆكەك ل سەر"نادیا موراد" هاتە راگەهاندن و دێ ب 23زمانێن جیهانی بەلاڤ بت
ئێزدیخان نیوز:
پەرتۆكەك ل سەر رزگاربوویا ئێزدی و بالیۆزا نیازپاكیێ ل نەتەوەیێن ئێكگرتی"نادیا موراد" هاتە راگەهاندن و دێ ب 23زمانێن جیهانی بەلاڤ بت و گەهتە ملیۆنەهان كەسان،هەروەسا دبتە پێنگاڤەكا دیرۆكی بۆ ناساندنا كۆمكوژییا ئێزدیان ل سەر ئاستێ جیهانێ.
موراد ئسماعیل،رێڤەبەرێ جێبەجێكارێ رێكخراوا یەزدا دراگەهاندنەكێ دا ئاشكەراكر:"ل رێككەفتی 29/3/2017ێ،پەرتۆكەك ل سەر"نادیا موراد"هاتە بەلاڤكرن و راگەهاندن كو تێدا بەحس ل ژیان و ئەوا ب سەرێ وێ و گوندێ وێ هاتی و ئێزدیان ل كۆمكوژیێ دا و پشتی كۆمكوژیێ ژ تاوانێن كوشتن و پێشلكاری و ئەشكەنجەدان یێن ژبال داعشێ ڤە هاتینە ئەنجامدان دكەت،ئەڤ پەرتۆك دێ ب 23زمانێن جیهانی بەلاڤ بت و گەهتە ملیۆنەهان كەسان".
ئەو چەندە ژی راگەهاندیە كو پەرتۆك دێ كۆمكوژییا ئێزدیان ب هەموو ناڤەرۆكا وێ گەهینتە جیهانێ و پاش دێ بتە پێنگاڤەكا دیرۆكی بۆ ناساندنا كۆمكوژیێ ل سەر ئاستێ جیهانێ.
ئسماعیل دایە زانین پەرتۆك دێ ئێتە چاپكرن و بەلاڤكرن ژبال مەزنترین دەزگەهێ بەلاڤكرنێ یێ جیهانی و بڤێ چەندێ دێ پەرتۆك دێ سەركەفتنەكا مەزن ب دەست ڤە ئینت.
رێڤەبەرێ جێبەجێكارێ رێكخراوا یەزدا تەكەزكر كو "نادیا موراد"بریاردا چارێكا پەرتۆكێ بۆ دۆزێ بت ئەوا نوونەراتیا وێ دكەت و ئەو ژی ب دامەزراندن و رێڤەبرنا دەستپێشخەرییا نادیا كو دێ نڤیسینگەهەك ل ئەلمانیا هەبت و نڤیسینگەهێن دی ل جیهانێ بۆ پشتەڤانیكرنا هەوا نادیایێ و سزادانا داعشێ ب یاسایێ و دانپێدانا نێڤ دەولەتی ب كۆمكوژیێ،زێدەباری پێشكێشكرنا پرۆژێن مرۆڤی و فێركرنێ و دەروونی بۆقوربانییان ژ كۆمكوژییان و بازرگانیكرن ب مرۆڤی و ل دەڤەرێن هەڤركی یێن تایبەت.
تعليقات