التخطي إلى المحتوى الرئيسي
بحث هذه المدونة الإلكترونية
ئێزدى داخوازيه‌كێ ژ سەرۆكێ دیوانا وه‌قفا شیعەیان ل عێراقێ دكه‌ن
باسنيۆز:
رێڤەبەرێ گشتیی كاروبارێن ئێزدیان ل وەزارەتا ئەوقاف و كاروبارێن ئاینێ ل هەرێما كوردستانێ دیاركر ئەڤرۆ 7/2/2017 كۆمبوونەك دگەل علا الموسوی سەرۆكێ دیوانا وەقفا شیعەیان ل عێراقی هاتە كرن و تێدا داخوازیێن ئێزدیان ژی هاتنە گەنگەشەكرن.
خەیری بۆزانی، رێڤەبەرێ گشتیی كاروبارێن ئێزدیان ل وەزارەتا ئەوقاف و كاروبارێن ئاینێ ل هەرێما كوردستانێ بۆ (باسنیوز) دیاركر: "علا الموسوی سەرۆكێ دیوانا وەقفا شیعەیان د سەرەدانا خوە ئەڤرۆ دا بۆ وەزارەتا ئەوقاف و كاروبارێن ئاینی چەندین بابەتێن گرنگ ئازراندن ژوانا ژی لیژنێن هەماهەنگی و هەڤكاری بهێنە دروستكرن بۆ زێدەتر تێكەلی و خورتكرنا پەیوەندیان دناڤبەرا شیعە و هەموو ئاین ونەتەوەیێن هەرێما كوردستانێ دا".
بۆزانی گۆت:" مە وەكو ئێزدی داخواز ژ سەرۆكێ دیوانا وقفا شیعەیان ل عێراقی كر هەڤكاریا ئێزدیان بكەن د بوارێ جینوسایدێ. ئەو زولما بسەرێ كوردێن ئێزدی هاتی ل كارەساتا شنگال ل رۆژا 3/8/2014 دگەل علا الموسوی هاتە شروڤەكرن و هەڤكارینەکرنا حكومەتا عێراقی و پەرلەمانێ عێراقی دگەل ئێزدیان هەموو هاتە بەحسكرن و داخوازی هاتە كرن هەڤكاریا كەسێن بێ سەمیان بهێتە كرن".
تعليقات