چیرۆكا تراجیدیا زارۆكێ ئێزدی"ئەیمەن ئەمین" ... دەیك و بابێن وی د دەستێ تیرۆرستێن داعشێ دانە
ئێزدیخان نیوز:
بەرپرسێ بنگەهێ لالش ل خانكێ بەحسێ تراجیدیا زارۆكێ ئێزدی"ئەیمەن ئەمین " دكەت و دبێژت:" ئەیمەن ئێك ژ وان زارۆكێ ب 500 دۆلارا هاتیە فرۆتن بوویە،تراجیدیا وی نموونا چیرۆكا ب سەدان زارۆكێن ئێزدی یە كو تیرۆرستێن داعش ئەڤ تاوانە د دەرهەقێ وان دا كریە".
عەنتەر كەلۆ، بەرپرسێ بنگەهێ لالش ل خانكێ بۆ مالپەرێ(ئێزدیخان نیوز)گۆت:"ئەیمەن زارۆكەكێ بێ گونەهێ مینا سەدەها زارۆكێن ئێزدی ل بەر سینگێ دەیكێن وان هاتنە ڤەكرن و ب زۆری ژ دەیك و باب و خووشك و برایێن وان هاتنە ڤەقەتاندن و ل بازاران هاتنە فرۆتن، ئەیمەن ئێك ژ وان زارۆكێ ب 500 دۆلارا هاتیە فرۆتن بوویە،تراجیدیا وی نموونا چیرۆكا ب سەدان زارۆكێن ئێزدی یە كو تیرۆرستێن داعش ئەڤ تاوانە د دەرهەقێ وان دا كریە".
گۆتژی ئەڤ زارۆكێ ئێزدی نۆكە ل كۆمەلگەها خانكێ ئاكنجی یە و دەیك و بابێن وی هەتا نۆكە ددەستێ تیرۆرستێن داعشێ دانە،ئەو پێدڤی هەر خێرخوازەكی یە دەستێ هاریكاریێ بۆ درێژ بكەتن.
كەلۆ ئەو چەندە ژی ئاشكەراكر:"هەتا نۆكە چوو ئالیان هاریكاریا ڤی زارۆكی نەكریە،چەند كەنالێن راگەهاندنێ ژی بەحسا چیرۆكا وی كرینە،لێ جهێ داخێ یە هاریكاری بۆ نەهاتیە كرن،وەك داپیرا وی دبێژت وی دڤێت مووچەكێ هەیڤانە بۆ بێتە دروستكرن".
تعليقات