ئاوارێن چیايێ شنگالێ درەوشەكا نەباش دانە... زیان ب خيڤەتێن ئاواران كه‌فتن
ئێزديخان نيوز:
ئەندامێ جڤاتا قەزا شنگال دیاركر هاتنا بای وباروڤەی بهێز ل چیای شنگال زیان گەهاندنا خێڤەتێن ئاوارێن ل چیای شنگال پتر ژ 7 هزار ئاوارێن كوردێن ئێزدی ل چیای نە، ئەڤە سیی سالا خێڤەت هاتینە دانان و زۆر گەڤنار بووینە دەمێ هەوا و باران بهێز دهێت خێڤەتان ژناڤ دچن.
خەلەف قاسم، ئەندامێ جڤاتا قەزا شنگال (باسنیوز) دیاركر ئاوارێن چیای شنگال د رەوشەكا نەباش دانە ل وەرزی زڤستانی چونكی سەرمایەكا گەلەك دژوار ل چیای شنگال دەستپێكریە و هەوایەكێ زۆر بهێز دهێت ئەڤ هەوایی بهێز بیتە ئەگەری ژناڤچوونا خێڤەتێن ئاواران، ل چیای ژێ ژبەر هاتنا بارانی زۆر تەقن دروست بوویە ئەڤی كارتیكرن ل هاتنوچوونی كریە و راستی ژێ خزمەتێن دهێنە پێشكیشكرن ل چیای شنگال كێم بووینە، هندەك خێڤەتێن نوو هاتبوونە دابینكرن لێ نەگەهشتنە هەموو ئاواران تایبەتی ئەو ئاوارێن خێڤەتێن وان ژناڤچوویی و گەڤناربووین پتر ژ 7 هزار وەلاتیان ل چیایی شنگال هەنە.
خۆیا ژی كر نها سەرمایەكا زێدە دژوار ل چیایی شنگال هەیە مەترسیا هەیە بەفر بهێت هەكە بەفر هات دێ رەوشا ئاوارێن چیای شنگال گەلەك خراب بیت، خەلكێ پێدڤی جل وبەرگ و غاز هەیە.
تعليقات