التخطي إلى المحتوى الرئيسي
بحث هذه المدونة الإلكترونية
دوو رزگاربوويێن ئێزدى خه‌لاته‌كێ په‌رله‌مانێ ئه‌وروپا وه‌رگرت...هه‌تا نۆكه كه‌س ل سه‌ر كۆمكوژيا ئێزديان نه‌هاتيه دادگه‌هكرن
K24 - هه‌ولێر:
ئه‌مڕۆ په‌رله‌مانی ئه‌وروپا له ستراسبۆرگ خه‌ڵاتی(ساخارۆڤ) ی به‌خشییه هه‌ر دوو كچه ئێزدی نادیه موراد و له‌میعه به‌شار.
سه‌ره‌تا سەرۆکی پەرلەمانی ئەوروپا (مارتن شولتز) وتارێكی پێشكه‌شكرد و به‌ڕێزه‌وه ئاماژه‌ی به‌و دوو كچه ئێزدییه‌دا كه بوونه‌ته ره‌مزی قوربانی و نه‌هامه‌تی ئێزدییه‌كان و رایگه‌یاند" نادیه و له‌مییعه‌ئه‌وه‌مان بیرده‌هێننه‌وه كه‌چ به‌رپرسیارییه‌تییه‌كمان له‌سه‌ر شانه، جیهان ده‌بێت پاڵپشتی له گه‌له‌كه‌ی تۆ و له تۆش بكات.
هه‌روه‌ها گووتی:تا ئێستا كه‌س له‌سه‌ر كۆمه‌ڵكوژی ئێزدییه‌كان دادگایی نه‌كراوون و پێویسته ئه‌و كه‌یسه ره‌وانه‌ی دادگای تاوانی نێوده‌وڵه‌تی بكات و شانازییه بۆ ئێمه وه‌ك په‌رله‌مانی ئه‌وروپا خه‌ڵاتی ساڵی 2016 ی ساخارۆڤتان پێده‌به‌خشین.
دواتر له‌میعه به‌شار كه یه‌كێك بوو له‌و كچه ئێزدییانه‌ی خه‌ڵاتی ساخارۆڤی پێبه‌خشرا. له به‌رده‌م ئاماده‌بوواندا چیرۆكی نه‌هامه‌تی خۆی و خێزانه‌كه‌ی گێڕایه‌وه كه به‌ده‌ست داعه‌شه‌وه دووچاری كاره‌سات بوون و ئاماژه‌ی به‌وه‌كرد كه ئه‌و ماوه‌یه‌ی له ژێر ده‌سه‌ڵاتی داعشدا بووه 4 جار له لایه‌ن چه‌كدارانی داعشه‌وه كڕین و فرۆشتنی پێوه‌كراوه و دواجار چه‌كدارێكی داعش كه به‌ڕێوه‌به‌ری نه‌خۆشخانه‌ی قه‌زای حه‌ویجه بووه كڕیوویه‌تی.
هه‌روه‌ها باسی له‌و مه‌رگه ساتانه‌ی ئێزدییه‌كان كرد له ژێر ده‌ستی داعشدا و داوای له ئه‌وروپا و جیهان كرد هاوكاری ئێزدییه‌كانبن بۆ ئه‌وه‌ی دووچاری نه‌هامه‌تی هاوشێوه نه‌بنه‌وه.
تعليقات