ئێزدی ل سه‌ر بهێزكرنا پێكڤه‌ژیانێ بۆ پشتی رزگاركرنا ده‌ڤه‌رێن خۆ رێككه‌فتن
باسنيۆز:
ئه‌ندامه‌كێ جڤاتا روحانیا ئێزدیان، دیاركر ئێزدی بۆ پشتی رزگاركرنا ده‌ڤه‌رێن خوه رێكه‌ڤتن پێكڤه ژیان وتێكه‌لی ناڤبه‌را هه‌موو ئاین ونه‌ته‌وه‌یێن ده‌ڤه‌رێ دا بهێته بهێزكرن، ل چیای باشیكی و به‌حزانی ژوورا پشته‌ڤانیا پێشمه‌رگه‌ی بهێته دروستكرن.
قه‌وال به‌هزاد سلیمان سفو، سه‌رۆكێ جڤاتا كۆمه‌لایه‌تیی ل به‌حزانی و ئه‌ندامێ جڤاتا روحانیا ئێزدیان بۆ (باسنیوز) دیاركر: "بریار هاته دان ده‌مێ ده‌ڤه‌رێن كوردێن ئێزدی دهێنه رزگاركرن خه‌لك سه‌ره‌دانا مال ومولگێن خوه نه‌كه‌ن ژبه‌ر بومبه و ته‌قه‌مه‌نیان هه‌تا كو لیژنێن تایبه‌تمه‌ند بومبه و ته‌قه‌مه‌نیان پووچ دكه‌ن ژنوكه رێك وه‌لاتیان بهێته دان سه‌ره‌دانا ده‌ڤه‌رێن خوه بكه‌ن، هه‌روه‌سا ب هه‌ڤكاری دگه‌ل پێشمه‌رگه‌ی كوردستانی وهێزیێن ئیمناهی خالێن پشكنینی بهێنه دانان بۆ وی چه‌ندی ده‌مێ ده‌ڤه‌ر دهێنه رزگاركرن خه‌لك قه‌ستا مالێن ئێكدو نه‌كه‌ن ب مه‌ره‌ما تێكدانی ولیژنا خورتكرنا پێكڤه ژیان وتێكه‌لی دناڤبه‌را هه‌موو ئاین نه‌ته‌وه و مه‌زهه‌بێن ده‌ڤه‌ری دا بهێته دروستكرن چوو ئاریشه روونه‌ده‌ن، هه‌موو ریهسپی ده‌ڤه‌رێ ل سه‌ر ڤێ چه‌ندی رێكه‌ڤتن هه‌ر ژ كه‌ڤندا پێكڤه ژیان و تێكه‌لی ل به‌حزانی و باشیكی یا بهێز بوویه دناڤبه‌را ئێزدی و موسلمان و مه‌سیحێن ده‌ڤه‌رێدا".
سه‌رۆكێ جڤاتا كۆمه‌لایه‌تیی ل به‌حزانی و ئه‌ندامێ جڤاتا روحانیا ئێزدیان، گۆتژی: "كار بهێته كرن دگه‌ل رێكخراوان و ده‌زگه‌هێن خێرخوازی بۆ ئاڤاكرنا ده‌ڤه‌را باشیكی و به‌حزانی و هه‌موو ریهسپی و كه‌ساتێن ده‌ڤه‌ری رازی بوون ئه‌و وه‌لاتێن خانێن وان هاتێنه په‌قاندن خه‌لكێ ده‌ڤه‌ر ل گۆر شیانێن خوه هه‌ڤكاریا وان بكه‌ن هه‌تا ئاڤه‌دانیی ل ده‌ڤه‌رێ ده‌ست پێ دكه‌ت".
تعليقات