دەربارەی قوتابیێن ئێزدی ل زانكۆ و پەیمانگەهێن هەرێمێ پێشنیارەك دئێتە پێشكێشكرن
 |
| ئه‌رشيف |
ئێزدیخان نیوز:
هەر ئێك ژ رۆژنامەڤان"كــــاروان بـــاعـــەدری" و "ئـــــەمــیــن شــەمـــۆ"قوتابیێ زانكۆیێ،نامەیەكێ ئاراستەی لایەن و كەسایەتی و خەمخۆرێن ئێزدیان دكەن،هاریكارییا قوتابیێن ئێزدی بكەن ل زانكۆ و پەیمانگەهێن هەرێمێ ژ لایێ ماددی ڤــــە.
ب هەلكەفتا دەستپێكا وەرزێ ساڵا نوو یـــا خووندنێ،مە ب فەر زانی ڤێ نامەیێ ئاراستەیی ڤان لایەن و كەسایەتیێن ل خوارێ بكەین،ئەگەر ب كارن پەسەند بكەن.
بـــەرێزان (میرێ ئێزدیان،جڤاتا رۆحانیا ئێزدیان،بنگەهێ لالش یێ رەوشەنبیری و كۆمەلایەتی،ئەندامێن ئێزدی ل پەرلەمانێ عێراقێ و كوردستانێ،ئەندامێن جڤاتێن پارێزگەهێن مووسل و دهۆكێ , قایممقام و رێڤەبەرێن ناوچەدارییان،رێڤەبەر و مال و سازیێن ئێزدیان ل عێراقێ و ئەلمانیا و تەڤایا جیهانێ،دولەمەند،پۆستێن بلند،كەسانێن خێرخواز) ،رێزداران كەسانێن شۆلەژێ خەمخۆرێن جڤاكا ئێزدی،داخوازێ ژ وە دكەین وەك ئەركەكێ (مرۆڤایەتی،ئاینی،نشتیمانی) هاریكاریا قوتابیێن ئێزدی بكەن ل زانكۆ و پەیمانگەهێن هەرێمێ ژ لایێ ماددی ڤــــە،ل گۆر پێچێبوونێن خۆ.
وەكی یە دیار ب سەدان و ب رەنگە ب هەزاران قوتابیێن ئێزدی ل زانكۆ و پەیمانگەها هەنە و بارێ وان یێ دارایی یێ خرابە،هەر دیسان د سالا بۆری دا پاداشتێن وان ژی هاتبوونە بڕین ژ بەر قەیرانێ و دیسان بریارە ئەو قوتابیێن بەشێن ناڤخۆیی وەردگرن د ئەڤ ساڵە دا گوژمەكێ دراڤی بدەن،ئەڤەژی بارگرانیەكا زێدەترە ل سەر قوتابیان و ب تایبەت قوتابیێن شنگالێ و باشیك و بەحزانێ،ڤێجا هاریكاریا وە ژلایێ ماددی ڤە پشتەڤانیە بۆ بەردەوامیدانە بۆ تەمامكرنا خووندنا ڤان قوتابیان.
تعليقات