نێچیرڤان بارزانی بۆ ناديا موراد:جهێ شانازييا هەموو ئێزدییان و كوردستانی
رووداو - هەولێر
نێچیرڤان بارزانی، سه‌رۆكوه‌زیرانی هه‌رێمی كوردستان نامەیەكی پیرۆزبایی بۆ نادیە موراد دەنێرێت بەبۆنەی دەستنیشانكردنی وەك باڵیۆزی نیازپاكی رێكخراوی نەتەوە یەكگرتووەكان و بەڵێنی هەموو جۆرە هاوكارییەكی پێدەدات.
ده‌قی نامه‌كه:
خانما هێژا نادیا موراد،
خانمی بەڕێز نادیە موراد
سڵاو و رێز...
زۆر خۆشحاڵم
سلاڤ و ڕێز ..
گه‌له‌ك خۆشحالم ب ده‌ستنیشانكرنا هه‌وه وه‌ك بالیۆزا نیازپاكیێ یا نه‌ته‌وه‌یێن یه‌كبوویی، ب ڤێ هه‌لكه‌فتنێڤه ژ دل پیرۆزباهیێ ل هه‌وه دكه‌م، هیڤیا سه‌ركه‌فتنێ بۆ ئه‌ركێ هه‌وه دخوازم، ئه‌ز و حكوومه‌تا هه‌رێما كوردستانێ ژی ب هه‌می شێوه‌یه‌كی ئه‌م ئاماده‌نه هه‌می پشتگیریا پێویست پێشكه‌شی هه‌وه و كار و ئه‌ركێن هه‌وه بكه‌ین.
ده‌ستنیشانكرنا هه‌وه وه‌ك بالیۆزا نیازپاكیێ یا نه‌ته‌وه‌یێن یه‌كبوویی نیشانا هه‌ڤسۆزی و پشته‌ڤانیا جڤاكا نێڤده‌وله‌تییه بۆ خوشك و برایێن مه یێن ئێزدی، هه‌روه‌سا جهێ شانازییا هه‌می ئێزدییان و ته‌ڤایا كوردستانێیه. هیڤیدارم كو ئه‌ڤ ئه‌ركێ هه‌وه ببیته پشته‌ڤانییه‌كا دی بۆ هه‌ولێن حكوومه‌تا هه‌رێما كوردستانێ و دۆستێن ئێزدییان كو جینۆسایدا ل دژی خوشك و برایێن مه یێن ئێزدی و پێكهاتێن دی یێن ئۆلی و نه‌ته‌وه‌یی هاتیه كرن، ژ ئالیێ جڤاكا نێڤده‌وله‌تیڤه بێته ناسكرن.
جاره‌كا دی ژ دل پیرۆزباهیێ ل هه‌وه دكه‌م، هه‌می پشتگیری و پشته‌ڤانیا خوه بۆ هه‌وه و سه‌ركه‌فتنا ئه‌ركێ هه‌وه دوباره ده‌كه‌م.
سه‌ركه‌فتی بن.
نێچیرڤان بارزانی
