جێگرێ پارێزگارێ دهۆكێ: ژبەر كۆرۆنایێ خرڤەبوونێن جەماوەری نائێنە كرن
جێگرێ پارێزگارێ دهۆكێ: ژبەر كۆرۆنایێ خرڤەبوونێن جەماوەری نائێنە كرن
جێگرێ پارێزگارێ دهۆكێ دیار كر ئەڤ سالە ل پارێزگەها دهۆكێ هەموو هەلكەفتێن ئادار ونەورۆزێ دێ بەرز هێنە راگرتن. دێ رێز لێ هێتە گرتن لێ خرڤەبوونێن جەماوەری ناهێنە كرن.
ماجد سەید سالح، جێگرێ پارێزگارێ دهۆكێ بۆ (باسنیوز) راگەهاند كو: "هەموو لێژنێن دوڤچوونا بازارێ دهۆكێ دهێنە ئەكتیفكرن بۆ زێدەتر كونترولكرنێ ل سەر رەوشا بازارێ ونەهێلانا بەلاڤبوونا نەخۆشیا كۆرۆنایێ وبجه ئێنانا هەموو رێنمایێن ساخلەمیێ. دێ تیمێن قایمقامیا قەزا دهۆكێ دگەل هەموو یەكێن كارگێری ل دهۆكێ ب ڤێ كارێ دوڤچوونا بازاری رابن".
ئاشكەرا كركو: "هەموو هەلكەفتێن ئاینی ونەتەوەیی ل دهۆكێ دێ بەرز هێنە راگرتن، دێ رێز ل هەموو هەلكەفتان هێتە گرتن لێ هەموو دێ بێ خرڤەبوونێن جەماوەری هێنە كرن وئاهەنگ نابن ژبەر مەترسیا كۆرۆنایێ دێ ب ریێن هەمە جۆر هێنە ساخكرن".
گۆتژی: "هەموو جهێن ئاینی و عەبادەتی پێدڤیە رێنمایێن حكومەتا هەرێما كوردستانێ بجه بینن بۆ خۆ پاراستن وپاراستنا ساخلەمیا وەلاتیان".
زێدەتر گۆت: "هەتا نۆكە ل دهۆكێ رەوشا قوتابخانەیان ژی هەتا رادەیەكی یا باشە. ئەم حەز دكەین هێشتا باشتر بیت. دماوێ دوو حەفتێن دەوامێ دا هەتا 70 مامۆستا و قوتابیان ل دهۆكێ تووشی كۆرۆنایێ بووینە".
تعليقات