سبەی ئێزدی دێ جەژنا چلێ هاڤینێ گێرن
دهۆک -KDP.info-
بەرپرسێ نڤیسینگەها لالش ل پەرستگەها لالش ڕاگەهاند، سبەی جەژنا چلێ هاڤینێ یا ئێزدییانە و ئێزدی ژی دێ ڤێ ڕێ و ڕسمێ ل پەرستگەها لالش ب ڕێ و رسمێن ئۆلی گێڕن.
لوقمان سلێمان، بۆ ماڵپەرێ فەرمیی یێ پارتی دیموکراتی کوردستان گۆت: ''پشتی چل رۆژیێن چلێ هاڤینێ ب داوی دئێن، ل رۆژا داویێ دبتە جەژن، ئەڤ جەژن ئێك ژ جەژنێن رێورەسمێن وێ ل پەرستگەها لالش دئێتە گێران، هەر بۆ زانین چەندین جەژن ل پەرستگەها لالش دئێنە گیران، مینا "جەژنا چلێ زڤستانێ، جەژنا چلێ هاڤینێ، جەژنا جەمایێ".
ناڤهاتی گۆتژی: "جەژنا چلێ هاڤینێ ئێك ژوان جەژنایە ل رۆژا داویێ ژ چلەیی دبتە جەژن و دبێژنێ جەژنا چلێ هاڤینێ، ئختیارێ مەرگەهێ و جڤاتا روحانی و دەروێش و شكەستی و زانایێن ئایینی و هەر ئێزدییەکی بڤێت ڤان چل رۆژان ب رۆژی بیت دبێژنێ چلەگر."
ل داویێ گۆتژی: ''دڤێت ئەوێن رۆژیا بگرن ل هێڤارا رۆژیا ئێكێ قەستا پەرستگەها لالش بكەن و هندەك ئاخێ ژ چلەخانێ دگەل خۆ هەلگرن، چلێ هاڤینێ ژ (11)ی حوزەیرانێ هەتا (20)ی تیرمەهێ ب هژمارا رۆژهەلاتی و (20)ی تیرمەهێ دبتە جەژن، یانكو (24)ی حوزەیرانێ دەست پێ دكت و هەتا (2)ی تەباخێ ب هژمارا زایینی، ئانكو (40) رۆژن وەكی دیار ئەڤ جەژن ب دەمی ڤە یا گرێدایە دڤان رۆژێن گەرم و درێژ دا زەلامێن ئۆلی و هەر ئێزدیەكی بڤێت چل رۆژیان ژبۆ خودێ دگرت، یانكو ئەو كەسێ چلێ هاڤینێ ب رۆژی دبت، دبێژنێ (چلەگر) درۆژا داویێ دا ژ چلەیی دبتە جەژن هەر بۆ زانین سێ رۆژا ئەڤ جەژن دئێتە گێران ژ (31)ی تیرمەهێ هەتا (2)ی تەباخێ زایینی و هەر ئێزدیەكی بڤێت قەستا پەرستگەها لالشا نوورانی دكت لێ سەردەری و دیندارێن رێورەسمان دگێرن فەرە ب شەڤەكێ بەری گێرانا رێورەسمان ئامادە بن.
تعليقات