نێچیرڤان بارزانی: ساخکرنا یادا ئەنفال و جینوسایدا ئەڤ سالە ژ سالێن دی خەمگینترە

WAAR-دهۆك:

د رێورەسمێن بیرئینانا یادا ئەنفالکرنا بارزانیان دا، سەرۆکێ هەرێما کوردستانێ گوتارەک پیشکیشکر و راگەهاند: ساخکرنا یادا ئەنفالکرن و جینوسایدا بارزانیان یا ئەڤ سالە ژ سالێن دیتر خەمگینترە، ژبەرکو چەند رۆژە چاڤێن مە ل بیابانێن ئیراقی نە کو روفاتێن 75 کوردان د گورێن ب کۆمدا هاتینە دیتن، کو هەمی ژی ژن و زارۆکن.

سەرۆکێ هەرێما کوردستانێ د بەشەکێ دی یێ گۆتارا خوەدا بەحسا خوراگریا ژنێن بارزانیان کر و راگەهاند: پشتی زەلام و سنێلەیێن بارزانیان ل بیابانێن مووسەنا دناڤا گورێن ب کۆمدا هاتینە بنئاخکرن ، بەرپرساتیا خودانکرنێن کەتە د ستویێ ژنێ دا و شیان زارۆکین خوە دناڤا زەحمەترین کاودانێن ژیانێ دا خودان بکەن.

سەرۆکێ هەرێما کوردستانێ سوپاسیا خەلکێ هەولێری و دەوروبەران کر، کو د هەوا ئەنفالکرنا بارزانیان دا ب هەمی شیانان هاریکاریا خەلکێ بارزان کر و نەهێلان پیلانا رژێما بەعسا ژناڤچووی ب درستی بهێتە جێبەجێکرن.

سەرۆکێ هەرێما کوردستانێ، نیچیرڤان بارزانی دوپاتی ل جێبەجێکرنا دەستورێ ئیراقێ و بریارا دادگەها تاوانان یا ئیارقێ کر، دیارکر دڤێت کەسوکارێن شەهید و ئەنفالکریێن هەرێما کوردستانێ بهێنە قەرەبوکرن.