سه‌رۆك بارزانى: هێشتا هزرا شوفینى ل ده‌ڤ هنده‌ك كه‌س و ئالیان مایه
WAAR-دهۆك:
سه‌رۆك مه‌سعوود بارزانى د په‌یامه‌كێ دا راگه‌هاند؛ پشتى 36 سالان ژ ئه‌نفالكرنا بارزانییان، هێشتا رێبازا بارزان نوونه‌راتییا كورداتییێ دكه‌ت، لێ مخابن هێشتا ل ئیراقێ هزرا شوفینى و ئه‌نفالچیه‌تیێ ل ده‌ڤ هنده‌ك كه‌س و ئالییان مایه.
سه‌رۆك مه‌سعوود بارزانى دیار كرییه، ئه‌ڤرۆ بیره‌وه‌رییا رۆژه‌كا تارییه د دیرۆكا گه‌لێ كوردستانێ دا و ب درێژاهییا دیرۆكێ گه‌لێ كورد تووشى كاره‌ساتێن مه‌زن بوو، لێ ب تایبه‌ت دوژمان كه‌ربه‌كا مه‌زن ژ بارزان راكربوو و وه‌كو بنگه‌هێ شۆرش و كانیا سه‌رخوه‌بوونخازیێ ژێ د ترسیان.
دا یه زانین ژى: دوژمنان 8 هزار بارزانى ئه‌نفالكرن، لێ نه‌شیان ریبازا بارزان بشكێنن، به‌لكو تا نها ژى ئه‌و رێبازه نوونه‌راتییا كورداتییێ دكه‌ت، لێ ب مخابنى ڤه‌پشتى 36 سالان هێشتا ل ئیراقێ هزرا شوفینى و ئه‌نفالچیه‌تیێ ل ده‌ڤ هنده‌ك كه‌س و ئالییان مایه.
سه‌رۆك بارزانى دیار ژى كرییه، ساخكرنا بیره‌وه‌رییا ئه‌نفالكرییان ب تنێ بۆ بیرئانینانا قۆربانییان نینه، به‌لكو بۆ وێ یه‌كێ یه‌ئه‌ڤ هزرا ره‌ش نیشانى جڤاكا نێڤده‌وله‌تى بهێته‌دان، دا كو شه‌رم ژخوه بكه‌ن و بزانن ل پێش چاڤێن وان چ زولمه‌كا مه‌زن یا ل گه‌لێ كوردستانێ هاتییه كرن.
تعليقات