ئێزديان چه‌ند بريارێن نوو بۆ تازيان ده‌ركرن
ئێزديخان نيوز:
پشکەک ژ کەسایەتی و مەزنێن ئێزدیان ل قەزا شێخان جڤیان و بڕیاردان، کلتۆرێ جگارە دابەشکرنێ ل مالا مری بێ قەدەغەکرن.
لوقمان سلێمان بەرپرسێ نڤیسینگەھا لالش و کەسایەتیێ ئۆلا ئێزدیان بۆ دیجیتال مەدیایا ئێن ئاڕ تی ڕاگەھاند، ژپێخەمەت کێمکرنا بارگرانیا لسەر مالباتا مری د بەھیان دا، بریار دانە جگارە دابەشکرن دناڤا بەھیان دا بێ قەدەغەکرن، ھەروەسا کێمتر ژ جاران خوارن بۆ مێھڤانان بێ دروستکرن.
دیارکر ژی، ئەو بریارە بتنێ بۆ ئێزدیێن سنورێ قەزا شێخانە ژبەرکو د نھادا ڕەوشا وان ب گشتی یا خرابە و پشکەک ژوان نکارن وەکی بەرێ بەھیان برێڤەببەن، ژبەر وێ یەکێ ئەڤ بریارە دەرکرنە.
د بەرێ دا و ھەیا نھا، ئێزدیان بگشتی د دەما بەھیێ دا مالباتا مری وەک کلتۆرەکێ ڕێزگرتنێ چەندین جۆرێن جگارەیان بەلاڤدکەن.
تعليقات