ژماره‌كا كچێن ئێزدی ژبه‌ر داعشێ سكالا ل كۆمپانییه‌كا فه‌ره‌نسی كر
WAAR-دهۆك:
هه‌ژماره‌كا كچێن ئێزدی، سكالا ل دژی كۆمپانییه‌كا فره‌نسی یا ب ناڤێ لاڤارج تۆمار كر كو ژ ئالیێ دارایی ڤه پشته‌ڤانییا داعشێ كربوو.
ئه‌مه‌ل كلونی، پارێزه‌را ره‌ڤاندیێن ئێزدی یێن ده‌ست داعشێ كو به‌رگریێ ژ مافێن وان دكه‌ت د به‌یانه‌كێ دا راگه‌هاند؛ هه‌ژماره‌كا كچێن ئێزدی یێن رزگاربوویێن ده‌ستێ داعشێ، سكالا ل دژی كۆمپانییا لاڤارج یا فره‌نسی تۆماركرینه كو پشته‌ڤانییا دارایی ل داعشێ كربوو.
ئه‌مه‌ل كلۆنی دیاركر، ئه‌و سكالایه وه‌ك ده‌لیڤه‌كێ یه ژبۆ سزادانا داعشێ و هه‌ر ئالیێ هاریكار د گه‌ل دا و پێدڤییه قوربانیێن ده‌ست داعشێ بهێن قه‌ره‌بوو كرن.
نها ژی ل فره‌نسا لێپرسین دگه‌ل كۆمپانییا لاڤارج دهێت كرن كو ب پشته‌ڤانییا داراییا داعشێ هاتییه سووچبار كرن، ل به‌رانبه‌ر پاراستنا كارگه‌هه‌كا وان ل باكورێ سووریێ، لێپرسین د گه‌ل كۆمپانیا لاڤارج بۆ تۆمه‌تێن ب ڤی ئاوای وه‌ك ئێكه‌م لێپرسینه د گه‌ل كۆمپانیێن نێڤده‌وله‌تی دهێت كرن.
تعليقات