بنگەهێ لالش دێ دیدارا لالش یا دووێ گێرت ل دۆر رەوشا دەڤەرێن ئێزدیان پشتی داعش
تۆرا لالش یا راگەهاندنێ
بەرێز"شێخ شامۆ"سەرۆكێ دەستەیا بلندا بنگەهێ لالش راگەهاند،بنگەه دێ بیرەوەرییا 24ێ یا دامەزراندنا خۆ ل دیدارا لالش یا دووێ دا ساخ كت،ئەڤ دیدار دێ رۆناهیێ ئێخستە سەر رەوشا ئێزدیان پشتی داعش ب تایبەت رەوشا شنگالێ.
دوهی رۆژا شەمبوویێ 6ئەیارا 2017ێ،دكۆمبوونا هاتیە گرێدان دگەل حەموو ئەندامێن دەستەیا بلند و سەرۆكێن تایان و نڤیسینگەهان و دەستەكێن وان یێن كارگێری،بەرێز"شێخ شامۆ"پیرۆزباهی ل ئامادەبوویان كر ب هەلكەفتا بۆرینا 24سالان ل سەر دمەزراندنا بنگەهێ لالش و دامەزراندنا وی ئاليێ شارستانی بوو د دیرۆكا ئێزدیاتیێ دا و كاری دكاروانێ خۆ یێ رەوشەنبیری دا خزمەتا دۆزا ئێزدیان بكت و بۆ جیهانێ بدەتە ناسین ب شێوەیەكێ ئەكادیمی یێ ئێزدیاتیێ.
دلایەكێ دی یێ كۆمبوونێ دا شێخی دووپات ل سەر بەردەوامیدانا بنگەهێ لالش كر بۆ پێشكێشكرنا پشتەڤانیا دارایی بۆ قوتابیێن ئێزدی یێن كێم دەرامەت و داخواز ژ ئامادەبوویان كر خۆ ئامادەبكن بۆ دەرفەت دیتنا بێنڤەدانا هاڤینیێ ب چالاكیێن هەمەرەنگ.
هەروەسا ژلایەكێ دیڤە بەحسێ كاروبارێن دارایی و چاوانیا هنارتنا راپۆرتێن دارایی و رەوشەنبیری یێن هەیڤانە هاتە كرن،پاش گەنگەشە لگەل ئامادەبوویان هاتە كرن ل دۆر دانانا ئستراجیەتێن پاشەرۆژێ بۆ پێشڤەبرنا كارێ بنگەه و تایان بەرەف باشبوونێ.
تعليقات