ل شێخان خرڤەبوونەك بۆ ریفراندۆمێ هاته ئه‌نجام دان
میدیا دهوك
ئه‌ڤرو ل سه‌نته‌رێ قه‌زا شێخان چالاكیه‌كا به‌رفره بو پشتگێریا پروسا ئه‌نجام ریفراندومێ ل هه‌رێما كوردستانێ هاته ئه‌نجام دان.
زیاد به‌رزنجی ل قایمقامیا قه‌زا شێخان بو میدیا دهوك :وەكو پشتەڤانیەك ژبو پرۆژێ "بەلی" بۆ ریفراندۆمێ، لژێر چاڤدێریا سردار یحیی عبدالعزیز قایمقامێ قەزا شێخان، لقا شێخان یا ئێكەتیا زاناێن ئایینی ئیسلامی ب هەماهەنگی دگەل رێڤەبەریا ئەوقافا شێخان ل هولا پەروەردا شێخان خرڤەبوونەك بۆ ماموستایێن ئایینی برێڤوچوو.
ناڤبری گوتژی : هه‌رئێك د. عبدالله سعید سەرۆكێ ئێكەتیا زانایان ل كوردستانێ و بەرپرسێ لقا 20 ێ پارتی دیموكراتی كوردستان ل شێخان و چەندین بەرپرسێن حیزبی و حكومی ئالیێن سیاسی و پلەدارێن سوپایێ زێرەڤانی و ماموستا و كەسایەتیێن ئولی ئێزدیان تێدا ژمارەكا پەیڤا هاتە خواندن ،سردار یحیی عبدالعزیز قایمقامێ قەزا شێخان دەست خوشی ل ئەوقافا شێخان و لقا زانایان كر بۆ رێكخستنا ڤی خرڤەبوونێ و ب تێروتەسەلی بەحسێ شورشا ئێك لدویڤ ئێكێ یێن كوردی كر، هەروەسا زێدەتر دیار كر كو باشترین دەرفەت بۆ گەلێ مە ئەوە ئەڤروكە ئەم ریفراندۆمێ بكەین و دەولەتا كوردی دروست بكەین.ل دوماهیكێ بەیاننامەك لدور "بەلێ بۆ ریفراندۆمێ" ژلایێ رێڤەبەرێ ئەقافا شێخان هاتە خوێندن.
تعليقات